«ادال ەلدە ءومىر سۇرگىم كەلەدى»
بوكستان وليمپيادا چەمپيونى سەرىك ساپييەۆ سىبايلاس جەمقورلىققا قارسى ءىس-قيمىل اگەنتتىگى جانىنداعى قوعامدىق بىرلەستىگىنە قوسىلدى، دەپ حابارلادى Almaty-akshamy.kz.
«كەڭەستىڭ جاڭا مۇشەسى بولىپ مەملەكەت قايراتكەرى، بوكستان وليمپيادا چەمپيونى سەرىك ساپييەۆ جانە «ادىلدىك جولى» رقب اتقارۋشى ديرەكتورى ديدار سماعۇلوۆ كىردى»، – دەلىنگەن انتيكور حابارلاماسىندا.
وليمپيادا چەمپيونى جۇمىس تاجىريبەسى مەن ۇستانىمىنىڭ قوعامدىق كەڭەسكە ەل يگىلىگى ءۇشىن پايدا اكەلۋگە مۇمكىندىك بەرەتىندىگىن جەتكىزدى.
«مەن قوعامدىق كەڭەسكە پايدا اكەلەتىنىمە سەنىمدىمىن. ويتكەنى مەنىڭ ازاماتتىق ۇستانىمىم بار. مەن ەلدىڭ قاراپايىم ازاماتى رەتىندە ادال مەملەكەتتە، سىبايلاس جەمقورلىقسىز، ءادىل مەملەكەتتە ءومىر سۇرگىم كەلەدى. مەنىڭ جۇمىس تاجىريبەم، ۇستانىمىم مەملەكەتىمىزدى دامىتۋعا جانە سىبايلاس جەمقورلىققا قارسى ءىس-قيمىل اگەنتتىگىنە، اتاپ ايتقاندا، قوعامدىق كەڭەسكە ەل يگىلىگى ءۇشىن پايدا اكەلۋگە مۇمكىندىك بەرەدى دەپ ويلايمىن»، – دەدى ساپييەۆ.