بۇل جولعى سايلاۋ حالىقتىڭ قاتىسۋىمەن ءبىرقالىپتى ءوتتى دەسەك بولادى. بۇرىن قۇتتى مەرەكە بولاتىن. وسى جولى دا ءداستۇر ساباقتاستى. ايرىقشا ءبىر نارسەنى ءتۇرتىپ وتكىم كەلەدى. بيۋللەتەندەگى «بارىنە قارسىمىن» دەگەن پۋنكت ەكىنشى ورىندا تۇرۋىنىڭ ءوز ءجونى بار. سەبەبى، شىندىققا تۋرا قارار بولساق، ۇمىتكەرلەرىمىز اسا بەل شەشىپ كىرىسپەدى. ءتىپتى، ەكىنشى ورىنعا كوتەرىلە المادى. ولار حالىققا كەڭىنەن بەلگىلى بولمادى. ونىڭ دا اسەرى از ەمەس. ءداپ وسىنداي شاقتا 90–100 % سايلاۋشىلار نەگە سايلاۋ ۋچاسكەسىنەن تابىلمادى دەگەن ساۋال كوپتىڭ كوكەيىندە قالدى. دەگەنمەن، الدىڭعىمەن سالىستىرعاندا 3%-عا ءدۇمپۋ اڭعارىلادى.
پرەزيدەنت سايلاۋىندا پارتيالار بەلسەندىلىكتەرىن كورسەتىپ جارىتپادى. وزدەرىنىڭ ىشىنەن شىققان لايىقتى ادامدارىن ءدۇبىرلى دوداعا سالمادى. الايدا، جۇرتشىلىقتىڭ 70%-كە جۋىعى ءوز تاڭداۋلارىن جاسادى. مۇنىڭ ءوزى ءتاپ-تاۋىر كورسەتكىش. بۇل قاتىپ قالعان شاما ەمەس. كەلەشەكتەگى كەلەتىن سايلاۋلاردى ەسەپكە الساق، ءالى تالاي دۇنيە بولعالى تۇر. ءالى 80–90 %-عا بارۋى مۇمكىن. ول كۇن دە الىس ەمەس.
تىنىشتىق پەن بەيبىتشىلىك ورناعان زامان بولسىن!