- وزدەرىڭىز بىلەتىندەي، مەرزىمنەن تىس پرەزيدەنتتىك سايلاۋ بولدى. اتالعان پروسەستى ساياسي ساراپشى رەتىندە وزىمىزشە باقىلاعان ەدىك. وعان نەگىزىنەن شەتەلدىك جانە وتاندىق باقىلاۋشىلار ءوز باعاسىن بەردى. ەxit poll مالىمەتتەرىن دە كوردىك. وسىعان بايلانىستى «دوڭگەلەك ۇستەل» وتكىزدىك. بىلايشا ايتقاندا، ەلىمىزدە جاسالىپ جاتقان تۇجىرىمدامالاردى جانە بولاشاقتا بولاتىن تەندەنسيالاردى زەردەلەۋدەمىز.
سايلاۋ ءوز دەڭگەيىندە ءوتتى دەگەن قورىتىندىعا كەلدىك. الايدا، اسا ءبىر دۇرلىكتىرەرلىكتەي كوپ جاڭالىق بولا قويمادى. مۇنى ساياسي تۇرعىدان باعا بەرەتىن بولساق، وتە تارتىستى ءارى قىزۋ ءوتتى دەپ ايتا المايمىز.
ءقازىر باعامداپ قاراساڭىزدار، ءتۇرلى وزگەرىس بولۋدا. الەمدە ساياسي تۇراقسىزدىق ءجۇرىپ جاتىر. ونىڭ دا اسەرى بار. بىزگە حالىقتىڭ مۇڭ-مۇقتاجىن تىڭداپ، الەۋمەتتىك الەۋەتىن جاقسارتاتىن بيلىك كەرەك. وسى ۇستانىمنان اينىمايتىن بولساق، كوپتەگەن يگى ىستەردى ىسكە اسىرامىز. پرەزيدەنت 7 جىلدا ويعا العان ىستەرىن جاساي الادى. بۇرىنعىداي 4-5 جىل بولسا، العاشقى 2 جىلىندا تەك زەرتتەۋمەن اينالىسىپ، ودان كەيىنگى 2 جىلىندا ۇيرەنۋمەن اينالىسار ەدى. 7 سانى قازاق ءۇشىن كيەلى سانالادى. جالپى ايتقاندا، وسىنىڭ ءبارىن ەسكەرىپ ايقىنداساق، الدا جاقسىلىقتىڭ لەبى ەسەدى دەپ سەنەيىك.
قوعام تۇراقتىلىقتى اڭسايدى. سوڭعى قاڭتار وقيعاسى قابىرعامىزدى قايىستىرىپ كەتتى. سوندىقتان تىنىشتىقتى كوپشىلىك دۇرىس كورۋدە. ءبىر سوزبەن ايتقاندا، سايلاۋ تىنىشتىق، بايىپتىلىقپەن وتە شىقتى. سايىسقا شىعاتىن ساياساتكەرلەردىڭ دودا ۋاقىتىندا شىعاتىنى شىقتى، شىقپاعاندارىنىڭ ءىشى بىلەدى. بۇدان كەيىن پارلامەنت ءماجىلىسىنىڭ سايلاۋى تۇر. سول كەزدە بەلسەندىلىك تانىتاتىندار بولىپ قالار. بۇل دا ءبىر بەلەس. ويدى تۇيىندەي كەلە، سايلاۋ دۇرىس ءوتتى دەمەكپىز.