جاقىندا ول سوت ۇكىمىمەن 10 جىلعا باس بوستاندىعىنان ايىرىلعان بولاتىن
الماتى وبلىسى پوليسيا دەپارتامەنتىنىڭ بۇرىنعى باسشىسى سەرىك كۇدەبايەۆ سوت ۇكىمىنە اپەللياسيالىق شاعىم ءتۇسىردى، دەپ حابارلايدى Almaty-akshamy.kz.
جەتىسۋ وبلىستىق سوتىنىڭ باسپا ءسوز قىزمەتى الماتى وبلىسى پوليسيا دەپارتامەنتىنىڭ سوتتالعان بۇرىنعى باسشىسى سەرىك كۇدەبايەۆ اپەللياسيالىق شاعىم تۇسىرگەنىن حابارلادى.
«سەرىك كۇدەبايەۆتىڭ ۇستىنەن قوزعالعان قىلمىستىق ءىس بويىنشا اپەللياسيالىق شاعىم 29 ماۋسىم ساعات 15:00-دە جەتىسۋ وبلىستىق سوتىندا قارالادى دەپ بەلگىلەندى»، – دەلىنگەن حابارلامادا.
ەسكە سالايىق، الماتى وبلىستىق پوليسيا دەپارتامەنتىنىڭ بۇرىنعى باسشىسى سەرىك كۇدەبايەۆ بيلىگىن اسىرا پايدالاندى دەپ ايىپتالعان. تەرگەۋ مالىمەتتەرى بويىنشا، ول 2022 جىلعى قاڭتارداعى تارتىپسىزدىكتەر كەزىندە الماتى وبلىسىنىڭ كومەندانتى بولا تۇرىپ، پوليسيا دەپارتامەنتىنىڭ عيماراتىنان شىعىپ كەتكەن. بۇلىكشىلەر سول جەردەن قارۋ-جاراق ۇرلاپ كەتكەن.