اقىلدى بەينەباقىلاۋ جۇيەسى قيىلىستىڭ الدىندا دۇرىس ەمەس قاتارعا تۇرۋدى، ستوپ-سىزىعىنا كىرۋدى جانە اۆتوبۋس جولاعىنىڭ بويىمەن ءجۇرۋدى انىقتايدى.
«سەرگەكتىڭ» قانداي زاڭ بۇزۋشىلىقتاردى تىركەيتىنى تۋرالى الماتى پوليسياسى ايتتى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
سونداي-اق «سەرگەك» كامەرالارى جىلدامدىقتى، كولىكتىڭ باعدارشامنىڭ قىزىل تۇسىنە ءوتىپ كەتۋىن جانە دۇرىس ەمەس جەرگە توقتاعانىن انىقتايدى.
«بارلىق بۇزۋشىلىقتاردى پوليسيا وڭدەيدى جانە جىبەرمەس بۇرىن قىزمەتكەردىڭ ەسق قولى قويىلادى. ءارى قاراي بۇزۋشىلىقتار تۋرالى نۇسقاۋلىق كولىك قۇرالدارىنىڭ يەلەرىنە ەكى جولمەن جىبەرىلەدى: سمس جانە پوشتا. ايىپپۇل تۋرالى حابارلامانى العاننان كەيىن، قۇقىق بۇزۋشى جەتى كۇن ىشىندە سومانىڭ جارتىسىن تولەي الادى. تولەم ءوز ەركىمەن تولەنبەگەن جاعدايدا، حابارلاما الىنعان كۇننەن باستاپ 30 كۇن وتكەن سوڭ، ماتەريال ق ر اقبك-نىڭ 894-بابىنا سايكەس ماجبۇرلەپ الۋعا جىبەرىلەدى. ءسىز Egov.Kz جانە Qamqor.gov.kz سايتتارىندا بۇزۋشىلىق حاتتاماسىمەن جانە تارتىبىمەن تانىسا الاسىز. ايىپپۇلداردى وزىڭىزگە ۇنايتىن ىڭعايلى جولمەن تولەۋگە بولادى. مىسالى، ەلەكتروندى ۇكىمەت پورتالىندا ونلاين، بانكتەردىڭ ەسەپ ايىرىسۋ-كاسسالىق بولىمىندە، ءموبيلدى قوسىمشالار ارقىلى (Kaspi.kz، HalykBank، Kassa24، Handypay، Homebank، كازپوچتا، كولەسا). قۇقىق بۇزۋشىلىق ءۇشىن بارلىق قاراجات قالالىق بيۋدجەتكە تۇسەدى»، – دەدى اكىمشىلىك پوليسيا باسقارماسىنىڭ باستىعى نۇرلان امانبەك.