الماتىدا 1 قىركۇيەكتەن باستاپ كاسىپورىن قىزمەتكەرلەرىنىڭ كوروناۆيرۋسقا قارسى ەكپە العانىن تەكسەرە باستايدى. بۇل تۋرالى قالالىق سانيتارلىق-ەپيدەميولوگيالىق دەپارتامەنتىنەن ءمالىم ەتتى، دەپ حابارلايدى almaty-akshamy.kz
«تەكسەرۋ جۇمىستارى 1 قىركۇيەكتەن باستالادى. وعان دەيىن تەكسەرۋ الگوريتمى انىقتالادى»، - دەدى الماتى قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ.
ق ر باس مەملەكەتتىك ساندارىگەردىڭ 2021 جىلدىڭ 14 شىلدەسىندەگى قاۋلىسىنا سايكەس، ۆاكسينالاۋ مەرزىمى انىقتالدى: 2021 جىلدىڭ 10 تامىزىنا دەيىن پروفيلاكتيكالىق ەكپەنىڭ ءبىرىنشى دوزاسىن، 2021 جىلدىڭ 1 قىركۇيەگىنە دەيىن ەكىنشى دوزاسىن الۋ كەرەك (وعان مەديسينالىق قارسى كورسەتىلىمى بار ادامدار مەن سوڭعى 3 ايدا كوروناۆيرۋسپەن اۋىرىپ شىققاندار كىرمەيدى).
«دەمەك، قىزمەتكەرلەردىڭ تولىقتاي ۆاكسينا العانىن وسى جىلدىڭ 1 قىركۇيەگىنەن باستاپ تەكسەرۋى مۇمكىن»، - دەپ ناقتىلادى ۆەدومستۆودان.