1 231 قىلمىستىڭ بەتى اشىلعان.
كەيىنگى 6 اي ىشىندە «سەرگەك» كامەرالارىنىڭ كومەگىمەن ەلوردادا 500 مىڭ قۇقىقبۇزۋشىلىق انىقتالعان. بۇل دەرەكتەردى نۇر-سۇلتان قالاسى پد جەدەل باسقارۋ ورتالىعىنىڭ ءبولىم باسشىسى لاريسا چيرۆا كەلتىردى، دەپ حابارلايدى Almaty-akshamy.kz Egemen.kz سىلتەمە جاساپ.
«جىل باسىنان بەرى بەينەباقىلاۋ كامەرالارى ارقىلى 1 231 قىلمىستىڭ بەتى اشىلىپ، 13 مىڭنان استام اكىمشىلىك قۇقىق بۇزۋشىلىق انىقتالدى. سونىمەن قاتار مەتكەپكە قويىلعان كامەرالار كومەگىمەن نورماعا سايكەس كەلمەيتىن 105 فاكتى انىقتالدى. پروفيلاكتيكالىق جۇمىس جۇرگىزۋ ءۇشىن دەرەكتەر ءبىلىم باسقارماسىنا جىبەرىلدى. ال جىل باسىنان بەرى «سەرگەك» كامەرالارى ارقىلى ەلوردادا 500 مىڭ قۇقىقبۇزۋشىلىق انىقتالدى»، - دەدى لاريسا چيرۆا.
ايتا كەتسەك، ەلوردا اۋماعىندا 13 مىڭنان استام «سەرگەك» كامەرالارى قويىلعان.