فارماسيەۆتيكالىق ءونىمنىڭ كولەمى 2020 جىلمەن سالىستىرعاندا 124% قۇرايدى.
قازاقستان ۇكىمەتىنىڭ وتىرىسىندا دەنساۋلىق ساقتاۋ ءمينيسترى اجار عينيات مەملەكەتتەگى فارماسيەۆتيكا سالاسىندا ءوندىرىس كولەمى وسكەنىن ايتتى، دەپ حابارلايدى Almaty-akshamy.kz Baq.kz cىلتەمە جاساپ.
«جالپى، فارماسيەۆتيكا سالاسىندا ءوندىرىس كولەمىنىڭ وسكەنىن اتاپ وتكەن ءجون. 2021 جىلى فارماسيەۆتيكا ونەركاسىبى وڭ سەرپىن كورسەتتى، بۇل رەتتە فارماسيەۆتيكالىق ءونىمنىڭ كولەمى 2020 جىلمەن سالىستىرعاندا 124%-دى قۇرايدى. بيىل ءقاڭتار-ساۋىر ايلارىندا فارماسيەۆتيكالىق ءونىم كولەمى وتكەن جىلدىڭ ۇقساس كەزەڭىمەن سالىستىرعاندا 5%-عا ءوستى»، - دەپ اتاپ ءوتتى ۆەدومستۆو باسشىسى.
ايتۋىنشا، قازاقستاندىق فارماسيەۆتيكا ونەركاسىبى مەملەكەتتىك قولداۋدىڭ ارقاسىندا ءتيىمدى ينۆەستيسيالاردىڭ ۇلكەن الەۋەتىنە يە بولدى.
«وسىلايشا، وتاندىق تاۋار وندىرۋشىلەرمەن مەملەكەتتىك قولداۋدىڭ ارقاسىندا 10 جىلعا ۇزاق مەرزىمدى شارتتار جاسالدى جانە ول ساتىپ الۋ ۇلەسىن اقشالاي ماندە 2010 جىلى 15%-دان 2021 جىلى 41%-عا دەيىن ۇلعايتۋعا مۇمكىندىك بەردى. فارماسيەۆتيكالىق كاسىپورىندار نەگىزىنەن الماتى، قاراعاندى وبلىستارىندا، شىمكەنت جانە الماتى قالالارىندا شوعىرلانعان»، - دەدى مينيستر.
بەلگىلى بولعانداي، ەلدىڭ قازىرگى فارماسيەۆتيكالىق ءوندىرىسى دارىلىك زاتتار مەن مەديسينالىق بۇيىمدارعا قاجەتتىلىكتى تەك قانا 24%-عا قامتاماسىز ەتەدى.
«بۇل رەتتە وتاندىق دارىلىك زاتتاردى وندىرۋگە ارنالعان تەحنولوگيالار مەن كومپونەنتتەردىڭ، سونداي-اق فارماسيەۆتيكالىق پرەپاراتتار مەن سۋبستانسيالاردىڭ يمپورتىنا تاۋەلدى بولىپ وتىر. بۇدان باسقا فارماسيەۆتيكا سالاسىنداعى وتاندىق عىلىم مەن ءبىلىمنىڭ الەۋەتى مەن قارجىلاندىرۋ ماسەلەلەرى تومەن دەڭگەيدە»، - دەدى اجار عينيات.