بيلىكتەگى Nur Otan پارتياسىنىڭ كەزەكتەن تىس سەزى ونىڭ اتاۋىن وزگەرتۋگە داۋىس بەردى.
تاۋەلسىز قازاقستاندىق جۋرناليست سەرگەي پونوماريەۆ "پارتيانىڭ اتىن «امانات» دەپ وزگەرتۋ - جاڭا تاريحتىڭ باسى دەگەن ءسوز" ەكەنىن ايتتى، دەپ حابارلايدى Almaty-akshamy.kz
«بۇگىنگى پارتيا سەزى مەنى قاتتى قۋانتتى. ونىڭ «امانات» دەپ وزگەرتىلۋى جاڭا تاريحتىڭ باستاۋىن بىلدىرەدى. مەن پارتيانىڭ قۇرامى ايتارلىقتاي جاسارعانىنا قۋانىشتىمىن. وندا شىنىمەن تىڭدالاتىن قوعامدىق پىكىر ايتا الاتىن كوشباسشىلار كوبىرەك. ەڭ باستىسى، ولار پوپۋليست بولىپ كەتپەسە بولدى. مەنىڭ ويىمشا، قازاقستان پرەزيدەنتى قاسىم-جومارت توقايەۆ باستاعان بارلىق وزگەرىستەر بيلىك پارتياسى ءۇشىن جاڭا لەپ، جاڭا ءومىردىڭ باستاۋى بولادى»، - دەدى پونوماريەۆ.
سپيكەردىڭ ايتۋىنشا، بۇل وزگەرىستەردىڭ بارلىعى ەلگە، حالىققا پايدالى. ترانسفورماسيالاردان كەيىن پارتيانىڭ سانى ازايادى، ءبىراق ونىڭ ىشىندە حالىق ءۇشىن شىن مانىندە جۇمىس ىستەۋگە دايىن ادامدار عانا قالادى.
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ بيلىك پارتياسىنىڭ كەزەكتەن تىس سەزىندە سويلەگەن ءسوزىنىڭ قازاق تىلىندەگى ءماتىنىن مىنا جەردەن وقۋعا بولادى.