بۇل وزگەرىستەر قاي وڭىرلەردەگى جولدارعا قاتىستى؟
يندۋستريا جانە ينفراقۇرىلىمدىق دامۋ مينيسترلىگى تاراتقان مالىمەتكە سەنسەك، كوكتەمگى سۋ تاسقىنى كەزەڭىندە جول توسەمىن ساقتاۋ ماقساتىندا ءبىر وسكە 8 توننادان استام جۇكتەمەسى بار جۇك جانە ءىرى گاباريتتى اۆتوكولىكتەردىڭ قوزعالىسىنا شەكتەۋ قويىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسىلايشا، 1 ناۋرىز بەن 1 ءساۋىر ارالىعىندا الماتى، اتىراۋ، جامبىل، قاراعاندى (جەزقازعان ءوڭىرى)، قىزىلوردا، ماڭعىستاۋ جانە وڭتۇستىك قازاقستان وبلىستارىنىڭ جولدارىندا قوزعالىسقا شەكتەۋ بار. سونداي-اق، 23 ناۋرىزدان 1 مامىرعا دەيىن — اقمولا، اقتوبە، شىعىس قازاقستان، باتىس قازاقستان، قاراعاندى (قاراعاندى ءوڭىرى)، قوستاناي، پاۆلودار جانە سولتۇستىك قازاقستان وبلىستارىندا دا اۋىر جۇك كولىكتەرىنىڭ جۇرۋىنە تىيىم سالىنادى.