الماتىدا Kazakhstan Fashion Week ۇلتتىق ءسان اپتالىعىنىڭ 32-ماۋسىمى اياقتالدى. وندا وتاندىق جانە شەتەلدىك 17 ديزاينەر ءوز توپتامالارىن ۇسىندى، دەپ حابارلايدى Almaty-akshamy.kz. aikyn.kz-كە سىلتەمە جاساپ.
بۇل جولعى اپتالىقتىڭ تاقىرىبى قوناقتارعا ءا دەگەننەن-اق بەلگىلى بولدى: پوديۋم اينالاسىنا تىگىلگەن اقشاڭقان كيىز ۇيلەر مەن دەكوراتيۆتى اعاش-بۇتالار ءىس-شارانىڭ كوركىن كەلتىردى. Kazakhstan Fashion Week جوباسىنىڭ نەگىزىن سالۋشى ءارى ارت-ديرەكتورى الەكسەي چجەي ءتۇپ-تامىرىمىزعا تەرەڭىنەن ءۇڭىلەءتىنىمىزدى، سوندىقتان توپتامالاردا، بەزەندىرۋدە، سونداي-اق ستيليزاسيادا ەتنيكالىق ەلەمەنتتەر باسىم بولاتىنىن ءماءلىمدەدى. ءسان كورسەتىلىمىنە كەلگەن قوناقتاردىڭ ءوزى ءبىرى تاقياسىن، ءبىرى شاپانىن كيىپ، ەندى ءبىرى ۇلتتىق اشەكەيىن تاعىپ كەلگەن.
ۇلتتىق ءسان اپتالىعىنىڭ 32-ماۋسىمىندا حالىقارالىق بايقاۋلاردىڭ لاۋرەاتى، مودەلەر اديليا بوتابايەۆا قازاقستانداعى العاشقى ترانسفورمەرلەر برەندى YANG LAINء-نىڭ «Ozgeshe» توپتاماسىمەن جۇرتشىلىقتى تاڭعالدىردى. توپتامانىڭ اتاۋى جايدان-جاي تاڭدالماعان ەكەن. Yang Lain ءسوزى مالاي تىلىنەن قازاق تىلىنە اۋدارعاندا «ەشكىمگە ۇقسامايتىن» دەگەن ماعىنانى بىلدىرەدى. كوشپەندىلەر بەينەسىنەن شابىت العان ديزاينەر قازاق مادەنيەتىنىڭ زاماناۋي ينتەرپرەتاسياداعى كەيپى بولىپ سانالاتىن 12 ترانسفورمەر بەينەسىن جاساعان.
«برەند تۇجىرىمداماسى ءونءدىرۋشىنىڭ دە، تۇتىنۋشىنىڭ دا سانالى بولۋىن كوزدەيدى. فۋنكسيونالدى ترانسفورمەرلەردى جاساۋ – بۇل ءسان يندۋسترياسىنىڭ قورشاعان ورتاعا تەرىس اسەرىن ازايتۋدىڭ امالى. بۇل توپتامادا كيىمنىڭ ءبىر بولىگىن نەمەسە اكسەسسۋاردى بىرنەشە تۇردە قولدانۋعا بولادى. جاڭا توپتامادا بارلىق بۇيىم Zero-Waste ءادىسىمەن جاسالعان: ماتانىڭ قالدىقتارى دا كادەگە جاراتىلدى»، – دەپ اتاپ ءوتتى ديزاينەر.
برەندتىڭ اتاپ وتەتىن تاعى ءبىر ەرەكشەلىگى – اۆتورلىق پرينتتەر. جاڭا توپتاما ارقىلى ديزاينەر اديليا بوتابايەۆا تابيعاتپەن تەرەڭ بايلانىسى بار قازاق مادەنيەءتىنىڭ فيلوسوفياسىن جەتكىزگىسى كەلەتىنىن ايتتى. ءپرينتتىڭ نەگىزگى ەلەمەنتى – تۇيە.
ءسان اپتالىعىندا Zalkar برەندىنىڭ «ايان» توپتاماسى دا كوزگە ءتۇستى. برەند ديزاينەرى زالقار اسقارالييەۆتىڭ ايتۋىنشا، توپتاماداعى بارلىق كيىم زىعىر جانە ماقتا سەكىلدى تابيعي ماتالاردان تىگىلگەن.
ال ەلوردالىق تانىمال ديزاينەر دينارا ساتجان Kazakhstan Fashion Week ءسان اپتالىعىندا ەتنو-ستيلدە كەسكىندەلگەن توپتاماسىن ۇسىندى. جىبەك ماتا مەن كيىزدىڭ كۇردەلى ۇيلەسىمى كورەرمەندى بەي-جاي قالدىرمادى.
ايتپاقشى، بۇل ءىس-شارادا بيىلعى ەڭ ءساندى ءتۇس تە اتالدى. شارا قاتىسۋشىسى ايگىلى ديزاينەر ايدا كاۋمەنوۆا ءوز توپتاماسىندا تاڭقۋراي تۇستەس كيىمدەردى ۇسىندى. ديزاينەردىڭ سوزىنشە، Viva Magenta 18-750 دەپ اتالاتىن بۇل ءتۇس بيىل ساندە. ول شىنايى قۋانىشتى، ءوزىن-وزى تانىتۋ ەركىندىگىن، ءوپتيميزمدى جانە شابىتتى بىلدىرەدى. ايتا كەتۋ كەرەك، جىلدىڭ ۇزدىك ءتۇسىن امەريكالىق Pantone ينستيتۋتى ارنايى زەرتتەۋلەرگە سۇيەنە وتىرىپ بەلگىلەيدى.
ەسكە سالا كەتەيىك، Kazakhstan Fashion Week ۇلتتىق ءسان اپتالىعى 2004 جىلدان باستاپ وتكىزىءلىپ كەلەدى. ەلىمىزدىڭ باستى پوديۋمى رەسپۋبليكانى عانا ەمەس، شەت ەلدى مويىنداتقان ءبىرقاتار وتاندىق ديزاينەردىڭ باعىن اشتى.