ىشكى ىستەر ءمينيسترى ەرلان تۇرعىمبايەۆ ءىىم سەنىم تەلەفونىنا كەلىپ تۇسكەن ءاربىر وتىنىشكە مۇقيات تەكسەرۋ جۇرگىزۋدى تاپسىردى
«ءىىم سەنىم تەلەفونى» (14-02 نەمەسە 71-41-09) ازاماتتار ءۇشىن ءوز قۇقىقتارىن قورعاۋعا، قاۋىپسىزدىكتى قامتاماسىز ەتۋگە، تۋىستارىن ىزدەستىرۋگە، سونداي-اق قوعامدىق ءتارتىپتى قامتاماسىز ەتۋدە پوليسەيلەرگە كومەك كورسەتۋدى ۇيىمداستىرۋدا جاقسى قۇرال بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ
«ءىىم سەنىم تەلەفونىنىڭ» ناتيجەلەرى حالىقتىڭ پوليسياعا دەگەن سەنىم دەڭگەيى ارتقانىن، تۇرعىندار مەن پوليسيا قىزمەتكەرلەرى اراسىنداعى بايلانىستىڭ جاقسارا تۇسكەنىن ايقىن كورسەتەدى. مەملەكەت باسشىسىنىڭ پوليسيانى سەرۆيستىك جۇمىس مودەلىنە كوشىرۋ تۋرالى تاپسىرماسىندا ءدال وسىنداي مەجە كوزدەلگەن بولاتىن.
سوندىقتان قازىرگى ۋاقىتتا ىشكى ىستەر ورگاندارىنىڭ قىزمەتكەرلەرى ازاماتتاردىڭ ءاربىر ءوتىنىشى زاڭدى شەشىمدەر قابىلداۋمەن مۇقيات قارالۋى ءتيىس ەكەنىن تۇسىنەدى. ءىىم قىزمەتتەرى كەلىپ تۇسكەن بارلىق حابارلامالاردىڭ ناقتى مونيتورينگىن قامتاماسىز ەتەدى جانە ولاردى تولىق شەشكەنگە دەيىن قاراۋسىز قالماۋىن قاداعالايدى.
بۇگىن بەينەكونفەرەنسبايلانىس قۇرالى بويىنشا ىشكى ىستەر ءمينيسترى قىزمەتتەر مەن اۋماقتىق بولىمشەلەردىڭ باسشىلارىنا ازاماتتاردىڭ كونستيتۋسيالىق قۇقىقتارىنىڭ مۇلتىكسىز ساقتالۋىن قامتاماسىز ەتۋدى، بارلىق تەرگەۋ ارەكەتتەرىن قىلمىستىق ءىس جۇرگىزۋ كودەكسىنىڭ نورمالارىن قاتاڭ ساقتاي وتىرىپ جۇرگىزۋدى تاپسىردى. بۇدان باسقا، مينيستر ءاربىر ءوتىنىش بويىنشا مۇقيات تەكسەرۋ جۇرگىزۋدى، ونىڭ ناتيجەلەرىن ءوتىنىش باستاماشىلارىنا جەتكىزۋدى نەمەسە ولاردى ينتەرنەت رەسۋرستاردا ورنالاستىرۋدى تالاپ ەتتى.
وسى ماقساتتا ازاماتتاردى اپتا سايىن قابىلداۋ كەستەسىن جاساۋ، ازاماتتار ءۇشىن فرونت-وفيستەر مەن قابىلداۋ بولمەلەرىنىڭ ۇزدىكسىز جۇمىسى قامتاماسىز ەتىلدى. ىىم-گە جۇرگىزىلگەن جۇمىس تۋرالى ەسەپتەر جىبەرىلىپ تۇرادى. ماسەلەن، بۇگىن اتىراۋ وبلىسى پد باسشىلىعىنا پوليسيا قىزمەتكەرلەرىنىڭ دەنساۋلىعىنا زيان كەلتىرۋ فاكتىسىنە تەكسەرۋ جۇرگىزۋ تاپسىرىلدى. «ءىىم سەنىم تەلەفونىنىڭ» جۇمىسى جالعاسۋدا، ونىڭ ناتيجەلەرى تۋرالى جۇرتشىلىققا ۇنەمى حابارلانادى.