قازاقستاننىڭ ءبىرقاتار وڭىرىندە سەنبى كۇنى قار مەن جاڭبىر تۇرىندەگى جاۋىن-شاشىن كۇتىلەدى، دەپ حابارلايدى Aqshamnews.kz ءتىلشىسى.
«قازگيدرومەت» مالىمەتىنشە، باتىس جانە وڭتۇستىك سيكلوندارعا بايلانىستى ەلدىڭ باسىم بولىگىندە قار، بۇرقاسىن، ال باتىس پەن وڭتۇستىكتە كۇندىز جاڭبىر مەن قار جاۋادى. رەسپۋبليكا بويىنشا جەل كۇشەيىپ، تۇمان مەن كوكتايعاق كۇتىلەدى.
استانا قالاسىندا ازداپ قار جاۋادى، تۇندە اۋا تەمپەراتۋراسى –20…–22 گرادۋسقا دەيىن تومەندەيدى. الماتىدا جاۋىن-شاشىنسىز، تۇمان تۇسەدى، كۇندىز +2…+4 گرادۋس بولادى. شىمكەنتتە جاڭبىر مەن قار ارالاس جاۋىن-شاشىن كۇتىلىپ، اۋا تەمپەراتۋراسى +7…+9 گرادۋسقا دەيىن كوتەرىلەدى.
سينوپتيكتەر سونداي-اق الداعى ءۇش تاۋلىكتە ەلدىڭ شىعىسى، وڭتۇستىك-شىعىسى مەن وڭتۇستىگىندەگى وزەندەردە سۋ دەڭگەيىنىڭ اۋىتقۋى مۇمكىن ەكەنىن ەسكەرتتى.