اتىراۋ وبلىسىندا ادام ساۋداسىنا جانە وعان ىلەسپە قىلمىستارعا قاتىستى 21 قىلمىستىق دەرەك انىقتالدى، دەپ حابارلايدى Aqshamnews.kz.
وڭىرلىك پوليسيا دەپارتامەنتىنىڭ مالىمەتىنشە، بۇل دەرەكتەر ۇيىمداسقان قىلمىسقا قارسى كۇرەس باعىتىندا جۇرگىزىلگەن جۇيەلى جۇمىستاردىڭ ناتيجەسىندە تىركەلگەن. قۇقىق قورعاۋ ورگاندارى ادام ساۋداسىنىڭ الدىن الۋ، مۇنداي قىلمىستاردى دەر كەزىندە اشكەرەلەۋ جانە ولاردىڭ قوعامعا توندىرەتىن قاۋىپ-قاتەرىن ازايتۋ ماقساتىندا تۇراقتى تۇردە جەدەل-پروفيلاكتيكالىق شارالار جۇرگىزىپ كەلەدى.
اتالعان جۇمىستار اياسىندا وتكەن «ستوپ ترافيك» جەدەل-پروفيلاكتيكالىق ءىس-شاراسى كەزىندە جەزوكشەلىكپەن اينالىسۋ، جەڭگەتايلىق قىزمەت كورسەتۋ، سونداي-اق سەكسۋالدىق سيپاتتاعى زاڭسىز ارەكەتتەرگە قاتىسى بار تۇلعالار انىقتالىپ، پوليسيا بولىمشەلەرىنە جەتكىزىلدى. ولارمەن قۇقىقتىق تالاپتار مەن زاڭ بۇزۋشىلىقتىڭ سالدارى ءتۇسىندىرىلىپ، الەۋمەتتىك قاۋىپتەرگە قاتىستى الدىن الۋ اڭگىمەلەرى جۇرگىزىلگەن.
2025 جىلدىڭ قورىتىندىسى بويىنشا وبلىس اۋماعىندا ۇيىمداسقان توپ نەمەسە قىلمىستىق ۇيىم قۇرۋ، ولارعا باسشىلىق ەتۋ، قىلمىستىق توپ قۇرامىندا بولۋ، سونداي-اق جەزوكشەلىكپەن اينالىسۋعا ارنالعان پريتوندار ۇيىمداستىرۋ فاكتىلەرى بويىنشا 21 قىلمىستىق قۇقىق بۇزۋشىلىق تىركەلگەن.