سەمەي قالاسىندا تۇرعىندى تۇنگى ۋاقىتتا قۋدالاپ، جۇرتتىڭ ۇرەيىن ۇشىرعان قىز پسيحياتريالىق مەديسينالىق مەكەمەگە جاتقىزىلدى، دەپ حابارلايدى Aqshamnews.kz.
زارداپ شەككەن قالا تۇرعىنى ارۋجاننىڭ ايتۋىنشا، قۇقىق قورعاۋ ورگاندارى ءىستى تولىق زەردەلەپ، ناتيجەسىندە كۇدىكتى ارنايى مەديسينالىق باقىلاۋعا الىنعان.
جابىرلەنۋشى باستاپقىدا قىلمىستىق جازا قولدانۋدى نەمەسە كۇدىكتىنىڭ باس بوستاندىعىنان ايىرىلۋىن تالاپ ەتپەگەن. ول تەك ءوز قاۋىپسىزدىگىن قامتاماسىز ەتۋ ءۇشىن، كۇدىكتىنىڭ وزىنە جاقىنداۋىنا زاڭ جۇزىندە تىيىم سالۋ ماسەلەسىن كوتەرگەنىن جەتكىزدى.
ەسكە سالايىق، بۇعان دەيىن الەۋمەتتىك جەلىلەردە سەمەي قالاسىنىڭ تۇرعىنى جاريالاعان بەينەجازبا قوعامدا قىزۋ تالقىعا تۇسكەن ەدى. ۆيدەودا بويجەتكەن ءوزىن بەلگىسىز ايەلدىڭ ۇزاق ۋاقىت بويى اڭدىپ، تۇنگى مەزگىلدە سوڭىنان ەرگەنىن ايتىپ، كومەك سۇراعان.
اتالعان جاعداي قوعامدا جەكە قاۋىپسىزدىك، پسيحيكالىق دەنساۋلىق جانە ستالكينگ ماسەلەلەرىنە قاتىستى كەڭ اۋقىمدى پىكىرتالاس تۋعىزدى.