ەستەرىڭىزگە سالا كەتەيىك، دۇنيەجۇزىلىك ءسۇت بەزى وبىرىنا قارسى كۇرەس كۇنى اياسىندا الماتى ونكولوگيالىق ورتالىعى 2022 جىلدىڭ 1 قازانىنان باستاپ جانە ءار سەنبى سايىن (1،8،15،22،29) ءسۇت بەزى وبىرىن ەرتە انىقتاۋ ءۇشىن اشىق ەسىك كۇندەرىن وتكىزەدى دەپ حابارلايدى almaty-akshamy.kz
وسى جاعدايعا بايلانىستى ونكولوگيالىق ورتالىق بارلىق ايەلدەردى ارنايى ماماننىڭ تەكسەرۋىنەن وتۋگە شاقىرادى.
ونكولوگيالىق ورتالىقتىڭ كلينيكالىق-دياگنوستيكالىق بولىمشەسىنىڭ مەڭگەرۋشىسى نايلا اقجولوۆانىڭ ايتۋىنشا، الەمدە ءسۇت بەزى قاتەرلى ىسىگى ايەلدەر اراسىندا كەڭ تارالعان ونكولوگيالىق اۋرۋلاردىڭ ءبىرى بولىپ سانالادى.
سترەسستىك جاعدايلار، دۇرىس تاماقتانباۋ، جامان ادەتتەر، تۇقىم قۋالايتىن بەيىمدىلىك قاتەرلى ىسىك ءقاۋپىن ارتتىرادى. دارىگەر ءسۇت بەزى قاتەرلى ىسىگىنىڭ تارالۋىن ايەلدەردىڭ ءومىر سالتى وزگەرگەندىگىمەن، اتاپ ايتقاندا، بالا تۋۋدىڭ تومەندەۋىمەن، انا سۇتىمەن ەمىزۋ جيىلىگىنىڭ تومەندەۋىمەن بايلانىستىرادى.
«قاتەرلى ىسىك اۋرۋىنىڭ دامۋ ءقاۋپىن ەكولوگيا، گورمونالدى فاكتورلار، سترەسستىك جاعدايلار، يونداۋشى ساۋلەلەنۋ، زياندى تاماقتانۋ، الكوگولدى تۇتىنۋ سياقتى فاكتورلار ارتتىرادى»، – دەپ ءتۇسىندىردى مامان.
ستاتيستيكاعا سايكەس، جىل سايىن قالادا ءسۇت بەزى قاتەرلى ىسىگىمەن اۋىراتىن 700-گە جۋىق ايەل انىقتالادى، ياعني، قالادا كۇن سايىن 2ء-شى ايەل وسى پاتولوگيامەن اۋىرادى.
قاتەرلى ىسىكتى ەرتە انىقتاۋ ءۇشىن تومەندەگى جاعدايلاردى ەسكەرگەن ءجون:
- ءسۇت بەزىنە تۇراقتى تۇردە تەكسەرىلۋ؛
- ەمحانادان جىلىنا ماممولوگتان پروفيلاكتيكالىق تەكسەرۋ؛
- 40 جاستان 70 جاسقا دەيىنگى ايەلدەرگە 2 جىلدا 1 رەت مامموگرافيادان ءوتۋ.
ەرتە قاتەرلى ىسىك دياگنوزىن انىقتاۋ ارقىلى اۋرۋدى تولىق ەمدەۋگە مۇمكىندىك بەرەتىنىن ەستەرىڭىزگە سالامىز!
ۋاقتىلى باستالعان ەمدەۋ – ءسىزدىڭ سۇلۋلىعىڭىزدى، دەنساۋلىعىڭىزدى عانا ەمەس، ءومىرىڭىزدى دە ساقتاۋدىڭ كەپىلى!