باعدارلاما شەڭبەرىندە مەردىگەر جوبانى ءوزى جاساپ، جۇزەگە اسىرىپ، كەيىن سول جولدى ءوزى قاداعالاعانى ءجون.
قازاقستاننىڭ اۆتوجولشىلار قاۋىمداستىعىنىڭ وكىلى ارنايى ۇلتتىق باعدارلاما ازىرلەۋدى ۇسىندى، دەپ حابارلادى Almaty-akshamy.kz.
«قازاقستاننىڭ اۆتوجولشىلار قاۋىمداستىعى 2023-2040 جىلدارعا ارنايى ۇلتتىق باعدارلاما ازىرلەۋ قاجەت دەپ سانايدى»، - دەلىنگەن ق ر ييدم رەسمي سايتىندا جاريالانعان حاباردا.
اقپارعا سايكەس، اتالعان باعدارلاما شەڭبەرىندە مەردىگەر جوبانى ءوزى جاساپ، جۇزەگە اسىرىپ، كەيىن سول جولدى ءوزى قاداعالاعانى ءجون.
سونداي-اق، حاباردا اتاپ وتىلگەندەي، اۆتوجول جوبالارىنا بيۋدجەتتەن قاراجاتتىڭ ءبولىنۋى ۇزاق ۋاقىتتى تالاپ ەتەدى. سايكەسىنشە، جوبالىق-سمەتالىق قۇجاتتاماداعى كورسەتىلگەن ماتەريال مەن جۇمىس قۇنى شارىقتاي ءتۇسىپ، قۇرىلىس ماۋسىمىنا دەيىن ۇسىنىلعان باعالار كۇرت وزگەرەدى.
ماسەلەن، جوبالىق-سمەتالىق قۇجاتتاما ازىرلەگەندە بيتۋمنىڭ باعاسى 80 مىڭ تەڭگە دەپ كورسەتىلسە، قۇرىلىس ماۋسىمىندا ول 180-200 مىڭ تەڭگەگە دەيىن شارىقتاپ كەتەدى.
جولداعى قۇرىلىس جۇمىستارى مامىر ايىنان ءوز باستاۋىن الىپ، قىركۇيەك ايىنا دەيىن جالعاساتىنى بەلگىلى. وسى رەتتە قاراجاتتى تەك جاز ايلارىنا عانا ەمەس، ەكى-ۇش ماۋسىمعا سوزىلاتىن جوبانىڭ اقشاسىن بىردەن بەرسە، ءتيىمدى بولاتىن ەدى.
بۇل رەتتە، جول قۇرىلىسشىلارى تەندەرلىك وتىنىمدە بانكتىك كەپىلدىكتى الۋدا تاپسىرىس بەرۋشى تاراپىنان بيۋروكراتيالىق راسىمدەردىڭ جانە بىلىكتىلىك تالاپتارىنىڭ كوپتىگىنە توقتالدى.