جاڭادان جوندەلگەن قالالىق پۋلمونولوگيا ورتالىعى جۇمىسىن باستادى
ق ر پارلامەنتى سەناتىنىڭ دەپۋتاتتارى باقىتجان جۇماعۇلوۆ، دينار نوكەتايەۆا، سۇلتانبەك ماكەجانوۆ، دانا نۇرجىگىتوۆا جانە نۇرتورە ءجۇسىپ قالالىق كلينيكالىق اۋرۋحانالاردا بولدى، دەپ حابارلايدى Almaty-akshamy.kz. سەناتتىڭ باسپا ءسوز قىزمەتىنە سىلتەمە جاساپ.
سەناتورلار مەديسينا قىزمەتكەرلەرىمەن كەزدەسۋدە حالىققا كورسەتىلەتىن دارىگەرلىك كومەكتىڭ ساپاسىن ودان ءارى جاقسارتۋعا ارنالعان قۇرال-جابدىقتارمەن اۋرۋحانانى جابدىقتاۋ ماسەلەلەرىن تالقىلادى.
كلينيكاداعى تەگىن مەديسينالىق كومەكتىڭ كەپىلدىك بەرىلگەن كولەمى، مىندەتتى الەۋمەتتىك مەديسينالىق ساقتاندىرۋ جانە ونىڭ كولەمىنەن تىس اقىلى قىزمەتتەر تۇرىندە مامانداندىرىلعان مەديسينالىق كومەك، ونىڭ ىشىندە وڭالتۋ كومەگىن كورسەتۋ تۋرالى سەناتورلارعا جان-جاقتى اقپارات بەرىلدى.
سونداي-اق اۋرۋحانانىڭ جاقىندا كەڭ اۋقىمدى قىزمەت كورسەتۋگە مۇمكىندىك بەرەتىن جاڭا مەديسينالىق جابدىقتارمەن قامتاماسىز ەتىلگەنى تۋرالى ايتىلدى.
پارلامەنتشىلەر مەديسينا قىزمەتكەرلەرىمەن عانا ەمەس، پاسيەنتتەرمەن دە سويلەستى. دەپۋتاتتار اۋرۋحانانىڭ تىنىس-تىرشىلىگىنىڭ پروبلەمالىق جاقتارىنا، مەديسينالىق قىزمەت كورسەتۋ جۇيەسىنىڭ ماسەلەلەرىنە دە الاڭداۋشىلىق ءبىلدىردى.
كەزدەسۋ اياسىندا جاڭادان جوندەلگەن قالالىق پۋلمونولوگيا ورتالىعىنىڭ سالتاناتتى اشىلۋى بولدى.