روزا رىمبايەۆا مەن يمانبەك «ناۋرىز-دۋمان» ءانىنىڭ رەميكسىن شىعاردى

روزا رىمبايەۆا يمانبەكپەن ىنتىماقتاستىق ورناتقانى تۋرالى ايتتى

حالىق ءارتىسى روزا رىمبايەۆا جاس انشىلەردى، مۋزىكانتتاردى قولداۋعا ءارقاشان دايىن ەكەنىن مالىمدەپ، ادامداردى مەيىرىمدىلىك پەن بىرلىككە شاقىردى
بەلگىلى ءانشى روزا رىمبايەۆا قازاقستان حالقىن ناۋرىز مەيرامىمەن قۇتتىقتاپ، يمانبەك ەكەۋى شىعارعان رەميكستى جۇرت نازارىنا ۇسىندى، دەپ حابارلايدى Almaty-akshamy.kz  Almaty.tv-گە سىلتەمە جاساپ.

روزا رىمبايەۆا يمانبەكپەن ىنتىماقتاستىق ورناتقانى تۋرالى ايتتى.

«سىزدەر ءۇشىن جاقسى جاڭالىعىم بار. كىم نە دەسە دە، مەن ەلىمىزدىڭ ەستراداسىندا بولىپ جاتقان وزگەرىستەرگە ۇلكەن ماقتانىشپەن قاراپ، ءارقاشاندا جاس انشىلەردى، مۋزىكانتتاردى قولداۋعا دايىنمىن. ءبىز يمانبەك ەكەۋمىز بىرىگىپ، «ناۋرىز-دۋمان» ءانىنىڭ رەميكسىن حالىقتىڭ نازارىنا ۇسىندىق. مەنىڭشە سەرىكتەستىگىمىز ءساتتى شىقتى. سىزدەرگە دە ۇنايدى دەگەن سەنىمدەمىن!» - دەپ جازدى رىمبايەۆا.

ول ادامداردى وسىنداي تىنىشسىز زاماندا بىر-بىرىنە قامقور بولۋعا، مەيىرىمدىلىك كورسەتىپ، وكپە-رەنىشتەرگە جول بەرمەۋگە شاقىردى جانە «بەرەكە كوزى – بىرلىكتە» ەكەنىن ەسكە سالدى.