14 قاڭتار كۇنى وتكەن ق ر پارلامەنتى سەنات دەپۋتاتتارىن سايلاۋدا زاڭ بۇزۋشىلىق ورىن العان جوق. بۇل تۋرالى ق ر ورتالىق سايلاۋ كوميسسياسىنىڭ مۇشەسى اسىلبەك سماعۇلوۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وتكەن سايلاۋعا قاتىستى قوسىمشا مالىمەت بەرگىم كەلىپ وتىر. ياعني، داۋىس بەرۋ كۇنى «سايلاۋ تۋرالى» كونستيتۋسيالىق زاڭدى بۇزۋ تۋرالى اۋماقتىق سايلاۋ كوميسسيالارىنان جانە تاڭداۋشىلاردان شاعىمدار مەن ارىزدار كەلىپ تۇسكەن جوق»، - دەدى اسىلبەك سماعۇلوۆ ورتالىق سايلاۋ كوميسسياسىنىڭ وتىرىسىندا.
ال وسك ءتوراعاسى نۇرلان ءابدىروۆ بۇل سايلاۋدىڭ ءادىل وتكەندىگىن بىلدىرەتىندىگىن باسا ايتتى.
«دەمەك، بۇل - داۋىس بەرۋدىڭ، سونداي-اق باسقا دا سايلاۋ راسىمدەرىنىڭ سايلاۋ زاڭناماسىنىڭ نورمالارىنا ساي وتكەندىگىنى كورىنىسى»، - دەپ اتاپ ءوتتى وسك ءتوراعاسى.
وسىدان كەيىن ورتالىق سايلاۋ كوميسسياسى 2023 جىلعى 14 قاڭتاردا وتكەن ق ر پارلامەنتى سەناتىنىڭ دەپۋتاتتارىن سايلاۋدىڭ قورىتىندىلارىن انىقتاۋ جانە جاريالاۋ تۋرالى، سونىمەن قاتار بيىل 14 قاڭتاردا وتكەن استانا قالاسىنان ق ر پارلامەنتى سەناتىنىڭ شىعىپ قالعان دەپۋتاتىنىڭ سايلاۋىنىڭ قورىتىندىلارىن انىقتاۋ جانە جاريالاۋ تۋرالى قاۋلىلاردى قابىلدادى.