ق ر دەنساۋلىق ساقتاۋ مينيسترلىگى «سەفترياكسون» پرەپاراتىنان بولعان 18 ءولىم تۋرالى اقپاراتتى جوققا شىعاردى.
بۇل تۋرالى Stopfake.kz سايتىندا جاريالادى، دەپ حابارلايدى Almaty-akshamy.kz.
الەۋمەتتىك جەلىلەر مەن مەسسەندجەرلەردە الماتىدا «سەفترياكسون» انتيبيوتيگىن العاننان كەيىن 18 ادام قايتىس بولعانى تۋرالى اقپارات تارادى. پرەپاراتتى ءدارىحانالاردان جاپپاي الا باستاعان ەكەن. بۇل ولاي ەمەس.
بۇل اقپاراتتى ق ر دەنساۋلىق ساقتاۋ مينيسترلىگى تەرىسكە شىعاردى.
«سەفترياكسوننىڭ» جاعىمسىز اسەرى سالدارىنان كوز جۇمعان پاسيەنت تۋرالى كارت-حابارلامالار (سارى كارتالار) تىركەلگەن جوق. ق ر دسم مەديسينالىق جانە فارماسيەۆتيكالىق باقىلاۋ كوميتەتىنە جانە الماتى قالاسى بويىنشا اۋماقتىق دەپارتامەنتىنە مۇنداي شاعىمدار تۇسكەن جوق»، – دەپ حابارلادى ۆەدومستۆودان.
«سەفترياكسون» - سەپسيس، مەنينگيت، ينفەكسيالاردىڭ تۇرلەرى، پنيەۆمونيا جانە باسقا كوپتەگەن اۋرۋلار كەزىندە تاعايىندالاتىنن انتيبيوتيك. بۇل پرەپارات قازاقستاندا ليسەنزيالانعان جانە ءدارىحانالاردا ساتىلادى.