ق ر پارلامەنتى سەناتىنىڭ جاڭا قۇرامىنا ءۇش ايەل كىردى. بۇل تۋرالى ق ر ورتالىق سايلاۋ كوميسسياسى ءتوراعاسىنىڭ ورىنباسارى كوستانتين پەتروۆ ايتتى، دەپ حابارلايدى اlmaty-akshamy.kz.
«سايلانعان 20 دەپۋتاتتىڭ ۇشەۋى – ايەل، 17ء-سى ەر ادام. ورتاشا جاسى – 53،8 جاس. سايلانعان بارلىق 20 دەپۋتاتتىڭ دا ۇلتى قازاق»، - دەدى كونستانتين پەتروۆ بۇگىن ورتالىق سايلاۋ كوميسسياسىنىڭ وتىرىسىندا.
سونىمەن قاتار ول جاڭا سايلانعان دەپۋتاتتاردىڭ بۇعان دەيىن قانداي قىزمەتتە ىستەگەندىكتەرىن دە اتاپ ءوتتى.
«سايلانعان دەپۋتاتتاردىڭ ىشىندە سەناتتىڭ قازىرگى ءتورت دەپۋتاتى، وبلىستىق ءماسليحاتتاردىڭ بەس حاتشىسى، وبلىس اكىمدەرىنىڭ ءتورت ورىنباسارى، ەكى اۋدان اكىمى، ورتالىق مەملەكەتتىك ورگانداردىڭ ەكى قىزمەتكەرى، ءبىر وقۋ ورنىنىڭ باسشىسى، ءبىر وبلىستىق باسقارمانىڭ باسشىسى جانە اكسيونەرلىك قوعامنىڭ ءبىر وكىلى بار. 20 مانداتپەن سەنات قۇرامىنىڭ جاڭارۋى 80 پايىزدى قۇرايدى»، - دەدى وسك ءتوراعاسىنىڭ ورىنباسارى.