قازاقستاندىقتار سانى ءبىر ايدا 26 مىڭعا ارتتى.
ۇلتتىق ستاتيستيكا بيۋروسىنىڭ مالىمەتىنشە، قازاقستان حالقى 2022 جىلعى قاراشادا 26،1 مىڭ ادامعا كوبەيىپ، 1 جەلتوقسانداعى اقپارات بويىنشا، 19 ملن 741،3 مىڭ ادام بولدى، دەپ حابارلايدى Almaty-akshamy.kz.
ماسەلەن، قاڭتار-قاراشادا قازاقستان حالقىنىڭ تابيعي ءوسىمى 246 مىڭ 144 ادامدى قۇرادى (2021 جىلعى قاڭتار-قاراشادا - 243 مىڭ 581 ادام).
ەلدەگى دەموگرافيالىق جاعدايدىڭ باسقا سيپاتتامالارى بويىنشا ءتيىستى ۋاقىت كورسەتكىشتەرى: بالا تۋۋ - 369 مىڭ 140 (413 مىڭ 25)، ءولىم-جىتىم - 122 مىڭ 996 ادام (169 مىڭ 444).
سونداي-اق، ستاتيستيكا بيۋروسى 2022 جىلعى قاڭتار-قاراشادا رەسپۋبليكادا 118 مىڭ 928 نەكە قيىلعانىن حابارلادى (2021 جىلعى قاڭتار - قاراشادا-129 مىڭ 273).
سونىمەن قاتار، قاڭتار-قاراشا ايلارىندا 16 مىڭ 334 اجىراسۋ تىركەلدى (17 مىڭ 738).
ستاتيستيكتەردىڭ مالىمەتىنشە، وتكەن جىلى قاڭتار-قاراشا ايلارىندا قازاقستاننان 23 مىڭ 333 ادام (2021 جىلدىڭ قاڭتار-قاراشا ايلارىندا - 30 مىڭ 227)، ەلگە 15 مىڭ 313 ادام (8 مىڭ 140) كوشىپ كەلگەن.
وسىلايشا، ستاتيستيكا ماماندارى اتاپ وتكەندەي، 2022 جىلعى قاڭتار-قاراشادا رەسپۋبليكادا كوشى-قوننىڭ تەرىس سالدوسى 8020 ادامدى قۇرادى.