سەنات «كەدەندىك ءترانزيتتىڭ كەدەندىك راسىمىنە سايكەس تاۋارلاردى تاسىمالداۋ كەزىندە، كەدەندىك باجداردى، سالىقتاردى، ارنايى دەمپينگكە قارسى، وتەماقى باجدارىن تولەۋ جونىندەگى مىندەتتەردىڭ ورىندالۋىن قامتاماسىز ەتۋدى قولدانۋ ەرەكشەلىكتەرى تۋرالى كەلىسىمدى راتيفيكاسيالاۋ تۋرالى» زاڭدى قابىلدادى، -دەپ حابارلايدى Almaty-akshamy.kz. BAQ.KZ-كە سىلتەمە جاساپ.
قازىرگى ۋاقىتتا وداققا مۇشە بارلىق مەملەكەت قۇجاتتار كۇشىنە ەنۋى ءۇشىن قاجەتتى راتيفيكاسيالاۋ تۋرالى راسىمدەردى اياقتادى.
ەۋرازيا ەكونوميكالىق وداق تۋرالى شارتتىڭ 25-بابىنا سايكەس، وداققا مۇشە مەملەكەتتەردىڭ كەدەن وداعى شەڭبەرىندە، ءبىرىڭعاي كەدەندىك رەتتەۋى جۇزەگە اسىرىلادى. سوندىقتان بۇل كەلىسىم ەرەجەلەرىن قولدانۋ، وداقتىڭ ترانزيتتىك الەۋەتىن دامىتۋعا ىقپال ەتەدى. كەلىسىمنىڭ ماقساتتارى سىرتقى ەكونوميكالىق قىزمەتكە ادال قاتىسۋشىلار ءۇشىن كەدەندىك راسىمدەردى وڭايلاتۋعا جانە ۋاقىت پەن قارجىلىق شىعىندارىن قىسقارتۋعا باعىتتالعان، - دەپ ءتۇسىندىردى سەناتور.
سونىمەن قاتار كەدەندىك جانە وزگە تولەمدەردى تولەۋ جونىندەگى مىندەتتى ورىنداۋدى قامتاماسىز ەتۋ جۇيەسىنىڭ قولجەتىمدىلىگىن جانە قارجىلىق سەنىمدىلىگىن ارتتىرۋ - كەلىسىم ماقساتتارىنىڭ باسىمدىلىعى.
ماكەجانوۆ كەلىسىمنىڭ ەرەكشەلىكتەرىن دە اتاپ ءوتتى.
بىرىنشىدەن، ترانزيتتىك تاسىمالداردى جۇزەگە اسىرۋ كەزىندە كەدەندىك تولەمدەردى تولەۋ جونىندەگى مىندەتتەردى ورىنداۋدى قامتاماسىز ەتۋمەن جۇمىس تاجىريبەسى بار جانە بەلگىلەنگەن ولشەمدەرگە ساي كەلەتىن دەكلارانتتار ءۇشىن وڭايلاتۋلاردى قولدانۋ مۇمكىندىگىن كوزدەيدى. مۇنداي دەكلارانتتار بىرنەشە ترانزيتتىك دەكلاراسيالار بويىنشا تاسىمالداناتىن تاۋارلارعا قاتىستى كەدەن باجدارىنىڭ، وسىنداي تاۋارلارعا قاتىستى تولەنۋگە جاتاتىن سالىقتاردىڭ سوماسىنان از مولشەردە (20%-عا) قامتاماسىز ەتۋدى ۇسىنا الادى، - دەپ ايتتى سەناتور.
ەكىنشىدەن، ۇلتتىق كەپىلگەرلەر دەپ تانىلعان كەپىلگەرلەر ءۇشىن وڭايلاتۋلاردى قولدانۋ مۇمكىندىگىن كوزدەيدى. بۇل تۇلعالار، بەلگىلى ءبىر شارتتار ساقتالعان كەزدە، قارجىلىق كەپىلدىك مولشەرىنىڭ 10%-دان 100%-نا دەيىن وڭايلاتۋدى قولدانا الادى.
ياعني كەلىسىم ترانزيتتىك تاسىمالداردى جۇزەگە اسىرۋ كەزىندە سىرتقى ەكونوميكالىق قىزمەتكە ادال قاتىسۋشىلاردىڭ شىعىندارىن ازايتۋعا مۇمكىندىك بەرەدى.
قازاقستان رەسپۋبليكاسىنىڭ اتالمىش كەلىسىمدى قابىلداۋى بيزنەسكە «كەپىلگەرلىك» ينستيتۋتىن دامىتۋعا جانە قالىپتاستىرۋعا قاتىسۋعا مۇمكىندىك بەرەدى. ول ءوز كەزەگىندە تاۋارلاردى تاسىمالداۋ كەزىندە ۇلتتىق تاسىمالداۋشىلار ءۇشىن، زاماناۋي وزىق تاجىريبەلەردى قولدانۋعا جاعداي جاسايدى.
سەنات وسى ماسەلەگە قاتىستى قاۋلىعا ءبىراۋىزدان داۋىس بەردى.