سەمسەرلەسۋدەن قازاقستاننىڭ جاسوسپىرىمدەر قۇراماسى تاشكەنتتە (وزبەكستان) ءوتىپ جاتقان الەم كۋبوگىنىڭ كەزەڭىندە كۇمىس مەدال جەڭىپ الدى.
ءدۇبىرلى دودادا قازاقستان قۇراماسىنىڭ نامىسىن جايلىباي نۇرمۇحاممەد، قاينازار نۇرقات ۇلى، سۇلتان ستانبەك جانە ەرحان قارامان قورعادى، دەپ حابارلايدى aqshamnews.kz ۇلتتىق وليمپيادا كوميتەتىنە سىلتەمە جاساپ.
فينالدا وتانداستارىمىز وزبەكستان قۇراماسىمەن كەزدەستى. ناتيجەسىندە ويىن 45:35 ەسەبىمەن قارسىلاستاردىڭ پايداسىنا اياقتالدى.
ايتا كەتەيىك، جارتىلاي فينالدا قازاقستاندىق سەمسەرلەسۋشىلەر جاسوسپىرىمدەر اراسىنداعى الەمدىك رەيتينگتىڭ كوشباسشىسى بولعان رۋمىنيا قۇراماسىن 45:36 ەسەبىمەن جەڭگەن ەدى.