ەلىمىزدە ءاربىر بەسىنشى بالا سەمىزدىككە ۇشىراعان
سوڭعى زەرتتەۋ بويىنشا 6 مەن 9 جاس ارالىعىنداعى بالالاردىڭ 20،6% ارتىق سالماقتىڭ، ال 6،6% سەمىزدىكتىڭ زاردابىن تارتىپ وتىر، دەپ حابارلايدى Almaty-akshamy.kz «حابار 24»-كە سىلتەمە جاساپ.
دەنساۋلىق ساقتاۋ ۇلتتىق ورتالىعىنىڭ مالىمەتىنە سۇيەنسەك، بالالاردىڭ تەك 30% سپورتپەن اينالىسادى. بۇل وتە تومەن كورسەتكىش دەيدى، - ماماندار. بالالار اراسىنداعى سەمىزدىك، اسىرەسە، سولتۇستىك قازاقستان وبلىسىندا ءجيى كەزدەسەدى. دارىگەرلەر بالالار اراسىنداعى ارتىق سالماق كوپتەگەن ءقاۋىپتى سىرقاتتارعا تۇرتكى بولاتىنىن ايتادى.
"سەمىزدىككە ۇشىراعان بالالار ولار جاس قوسقان سايىن قانت ديابەتىنە شالدىعادى. جۇقپالى ەمەس اۋرۋلارعا ءتورت اۋرۋ ءتۇرى جاتادى. ول قان ديابەتى، جۇرەك قان تامىر اۋرۋلارى، ونكولوگيالىق اۋرۋلار، وكپە اۋرۋلارى"، - دەيدى ق ر دسم قوعامدىق دەنساۋلىق ساقتاۋ ۇلتتىق ورتالىعىنىڭ باسقارما ءتوراعاسىنىڭ مىندەتىن اتقارۋشى جانار قالماقوۆا.