سەمەيلىك پوليسەيلەر جالعان ۆاكسينا قۇجاتىن جاساعانداردى انىقتادى، – دەپ حابارلايدى almaty-akshamy.kz Polisia.kz. سىلتەمە جاساپ.
2021 جىلدىڭ 16 قىركۇيەگىندە سەمەي قالاسى مەديسينالىق مەكەمەلەرىنىڭ بىرىندە كوروناۆيرۋستىق ينفەكسياعا قارسى ۆاكسيناسيا تۋرالى قۇجاتتاردى قولدان جاساپ وتكىزۋمەن اينالىساتىن مەكەمە قىزمەتكەرلەرىنە قاتىستى جەدەل اقپارات كەلىپ ءتۇستى.
سەمەي ق. پب قىزمەتكەرلەرىنىڭ تاراپىنان جۇرگىزىلگەن جەدەل-ىزدەستىرۋ ءىس-شارالارىنىڭ بارىسىندا اعىمداعى جىلدىڭ شىلدە ايىندا قىزمەتتىك مۇمكىندىگىن نەگىزسىز پايدالانۋ ارقىلى ءتولقۇجاتتاردى قولدان جاساۋمەن جانە وتكىزۋمەن اينالىسقان سەمەي قالاسىنىڭ 27 جاستاعى تۇرعىنى انىقتالىپ، قولعا ءتۇستى.
- اتالعان فاكتى سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ەنگىزىلدى، قازىرگى ۋاقىتتا قازاقستان رەسپۋبليكاسى قك-نىڭ 385-بابىنىڭ 1-بولىگى (جالعان قۇجاتتاردى، ءمورتاڭبالاردى، مورلەردى، بلانكىلەردى، پوشتا تولەمىنىڭ مەملەكەتتىك بەلگىلەرىن، مەملەكەتتىك ناگرادالاردى قولدان جاساۋ دايىنداۋ نەمەسە وتكىزۋ) بويىنشا قىلمىستىق ءىس تىركەلدى. قازىرگى ۋاقىتتا اتالعان قىلمىسقا قاتىسى بار ادامداردى انىقتاۋعا باعىتتالعان سوتقا دەيىنگى تەرگەۋ امالدارى جۇرگىزىلۋدە، – دەدى سەمەي ق. پب باستىعى شالقار قۇنانبايەۆ.