قازگيدرومەت 30 قىركۇيەككە ارنالعان اۋا رايى بولجامىن جاريالايدى، دەپ حابارلايدى almaty-akshamy.kz.
رەسپۋبليكانىڭ باسىم بولىگىندە فرونتالدى بولىكتەردىڭ اسەرىنەن جاۋىن-شاشىن بولادى، ەلىمىزدىڭ وڭتۇستىگىندە جاڭبىر جاۋادى. رەسپۋبليكانىڭ تەك باتىسىنا جانە وڭتۇستىك-باتىسىنا سولتۇستىك انتيسيكلون اسەرىن تيگىزەدى، وسىعان بايلانىستى جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەل كۇشەيەدى، وڭتۇستىك-شىعىسىندا شاڭدى داۋىل، سولتۇستىگىندە جانە ورتالىعىندا تۇمان، كوكتايعاق كۇتىلەدى، كۇندىز شىعىسىندا جانە وڭتۇستىك-شىعىسىندا نايزاعاي بولادى.
جامبىل وبلىسىنىڭ باتىسىندا، وڭتۇستىك-باتىسىندا جانە تاۋلى اۋداندارىندا شاڭدى داۋىل كۇتىلەدى، 15-20 م/س جەل كۇشەيەدى، تاڭەرتەڭ جانە كۇندىز وبلىستىڭ شىعىسىندا جانە تاۋلى اۋدانداردا نايزاعاي باقىلانادى.
اقمولا وبلىسىنىڭ سولتۇستىگىندە جانە وڭتۇستىك-شىعىسىندا تۇمان، كوكتايعاق كۇتىلەدى، كۇندىز وبلىستىڭ سولتۇستىك-باتىسىندا جەل 15-20 م/س كۇشەيەدى. تۇندە جانە تاڭەرتەڭ قاراعاندى وبلىسىنىڭ سولتۇستىگىندە جانە شىعىسىندا تۇمان، كوكتايعاق كۇتىلەدى، كۇندىز شىعىسىندا جەل 15-20 م/س كۇشەيەدى.
كۇندىز شىعىس قازاقستان وبلىسىنىڭ سولتۇستىك-شىعىسىندا نايزاعاي كۇتىلەدى، وڭتۇستىك-باتىسىندا جەل 15-20 م/س كۇشەيەدى. قوستاناي وبلىسىنىڭ شىعىسىندا جانە وڭتۇستىگىندە كوكتايعاق، تۇندە جانە تاڭەرتەڭ شىعىسىندا تۇمان كۇتىلەدى.
كۇندىز الماتى وبلىسىنىڭ شىعىسىندا جانە تاۋلى اۋداندارىندا، تۇركىستان وبلىسىنىڭ سولتۇستىگىندە، قىزىلوردا وبلىسىنىڭ ورتالىعىندا جەل 15-20 م/س كۇشەيەدى. تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىك-باتىسىندا، پاۆلودار وبلىسىنىڭ وڭتۇستىگىندە جانە ورتالىعىندا تۇمان كۇتىلەدى.