«يادرولىق سىناقتارسىز الەم» اتتى كورمە بولدى.
«يادرولىق سىناقتارسىز الەم» اتاۋمەن سەمەيدەگى اباي مۇراجايىندا يادرولىق پوليگوننىڭ جابىلعانىنا 30 جىل تولۋىنا ارنالعان كورمە اشىلدى، دەپ حابارلايدى Almaty-akshamy.kz. Qazaqtv.com سايتىنا سىلتەمە جاساپ.
كورمەگە سىناقتار قۇرباندارىنىڭ اۋىرتپالىعىن كورسەتەتىن 20-دان استام اعاش ءمۇسىن قويىلدى. تۋىندىلاردىڭ اۆتورى - قۇرمان ايمۇحانبەتوۆ. ول ەڭبەكتەرىن پوليگوننىڭ جابىلعانىنا 30 تولۋىنا وراي جاساعان. اۆتوردىڭ شىعارمالارىندا «جانۋارلارعا ارنالعان يادرولىق ساڭىراۋقۇلاق»، «انانىڭ كوز جاسى»، «مۇگەدەك بالا» جانە تاعى باسقالار مۇسىندەر بار.
«مەن وسى بورەنەلەر مەن درەيف اعاشتارىنىڭ بارلىعىن بۇرىنعى سەمەي پوليگونىنىڭ اۋماعىنان تاپتىم. ولاردىڭ كەيبىرەۋلەرى جەرگىلىكتى تۇرعىنداردىڭ باستان وتكەرگەن وقيعالارىن ايتىپ تۇرعانداي كورىنەدى. مەن تەك ناقتى ەسكيز بەردىم. مەنىڭ باسقا جۇمىستارىم دەربەس ورىندالدى. مىسالى، 15 جاسار بالانىڭ مۇسىنىندە مۇگەدەك، ەشقاشان اۋرۋدان ايىعا الماعان كەيپى بەينەلەنگەن. ال يادرولىق بومبانىڭ جارىلىسىن باستان كەشىرگەن ءۇش اياقتى ادام ءتىپتى باسقا اسەر بەرەدى. ەگەر ونى اۋدارساڭىز، ناق جىلاننىڭ ءمۇسىنىن كورەمىز»، - دەدى ءمۇسىنشى قۇرمان ايمۇحانبەتوۆ.