ەرجان باباقۇماروۆ مەكتەپتەردىڭ وفلاين فورماتتاعى جاڭا وقۋ جىلىنا دايىندىعىن تەكسەردى

ەرجان باباقۇماروۆ مەكتەپتەردىڭ وفلاين فورماتتاعى جاڭا وقۋ جىلىنا دايىندىعىن تەكسەردى almaty-akshamy.kz

اعىمداعى جىلدىڭ 30 شىلدەسىندە الماتى قالاسى اكىمىنىڭ ورىنباسارى ەرجان باباقۇماروۆ قالالىق ءبىلىم باسقارماسىنىڭ باسشىسى ءلاززات جىلقىبايەۆامەن بىرگە جۇمىس ساپارى بارىسىندا ءبىلىم بەرۋ ينفراقۇرىلىمىنىڭ جاڭا وقۋ جىلىندا وفلاين فورماتتا وقىتۋ بويىنشا وقۋشىلاردى قابىلداۋعا دايىندىعىمەن تانىستى. ەسكە سالساق، ق ر پرەزيدەنتى قاسىم-جومارت توقايەۆ مەكتەپ وقۋشىلارىنىڭ ءداستۇرلى فورماتتا وقۋعا دايىندىعىن قامتاماسىز ەتۋدى تاپسىرعان بولاتىن.



جۇمىس ساپارى اياسىندا جاڭا جانە قوسالقى نىسانداردىڭ مەكتەپ وقۋشىلارىن قابىلداۋعا دايىندىعى تەكسەرىلدى. اعىمداعى جىلى تابيعي ءوسىمنىڭ جانە كوشى-قوننىڭ ارتۋى ارقاسىندا الماتىدا وقۋشىلار سانى 280 مىڭ بالاعا جەتتى. وسىعان وراي ءارى كۇردەلى ەپيدەميولوگيالىق احۋالدى ەسكەرە وتىرىپ، ءبىلىم بەرۋ ۇدەرىسى كەزىندە قاۋىپسىزدىك شارالارى مەن الەۋمەتتىك قاشىقتىقتى قامتاماسىز ەتۋ ءۇشىن جاڭا وقۋشى ورىندارىن اشۋ بارىنشا ماڭىزدى.



ماسەلەن، №38 گيمنازيا مەن №199 مەكتەپتىڭ قوسالقى نىساندارى، №40 جانە №45 مەكتەپتەردى قالپىنا كەلتىرۋ جانە سەيسميكالىق كۇشەيتۋ جۇمىستارى تەكسەرىلدى. №21 مەكتەپ اۋماعىنداعى 120 ورىندى جاڭا بالاباقشانىڭ دايىندىعى قوسىمشا تەكسەرىلدى. وسى نىسانداردى ىسكە قوسۋدىڭ ارقاسىندا جاڭا وقۋ جىلىنا 1025 جاڭا وقۋشى ورنى قۇرىلاتىن بولادى. الماتىدا 2025 جىلعا دەيىن ءبىلىم بەرۋ نىساندارىنىڭ قۇرىلىسىن جەدەل جۇرگىزۋ قالالىق باعدارلاماسى اياسىندا مەكتەپتەردەگى ورىن تاپشىلىعىن 73%-عا تومەندەتۋ جوسپارلانۋدا.




سانيتارلىق-ەپيدەميولوگيالىق قاۋىپسىزدىك شارالارىن ساقتاۋ ماسەلەلەرىنە ءجىتى نازار اۋدارىلدى. №56 گيمنازيا مەكتەبىنىڭ تاجىريبەسى بويىنشا وقۋشىلار مەن وقۋ پروسەسىنە قاتىساتىن باسقا تۇلعالاردىڭ تەمپەراتۋراسىن ولشەيتىن ارنايى كىرۋ جۇيەسىن ەنگىزۋ مۇمكىندىگى قاراستىرىلعان. 


اكىمنىڭ ورىنباسارى ەرجان باباقۇماروۆ ءبىلىم بەرۋ مەكەمەلەرىنىڭ قۇرىلىسى مەن اۋماعىن  اباتتاندىرۋدى مەرزىمىندە اياقتاۋدىڭ ماڭىز ەكەنىن اتاپ ءوتتى جانە ءبىلىم بەرۋ قاۋىپسىزدىگىن قامتاماسىز ەتۋ بويىنشا ءبىرقاتار ناقتى تاپسىرمالار بەردى. COVID-19-عا قارسى ۆاكسينالانۋعا باسا نازار اۋدارىلدى.



بۇگىندە الماتىدا 705 مىڭعا جۋىق تۇرعىن ۆاكسينالاندى، مۇعالىمدەر ەكپەمەن 100% قامتىلدى (ۆاكسينالانۋى ءتيىس تۇلعالار سانى بويىنشا). الايدا، بالالاردى قورشاعان ورتانىڭ قاۋىپسىزدىگىن قامتاماسىز ەتۋ ءۇشىن ەرەسەك تۇرعىنداردى، ونىڭ ىشىندە اتا-انالاردى ۆاكسينالاۋمەن قامتۋدى ۇلعايتۋ قاجەت.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:54

18:28

18:22

18:19

17:52

17:51

17:42

17:28

17:27

17:26

17:10

17:08

17:05

17:03

17:00

16:53

16:49

16:44

16:41

16:39

16:37

16:34

16:30

16:22

15:59