اباي وبلىسىندا ءۇش ۋچاسكەدە ءورت ءسوندىرۋ جۇمىستارى ءالى جالعاسىپ جاتىر.
تجم ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆتىڭ ايتۋىنشا، ءقازىر جاعداي تۇراقتالىپ كەلەدى، دەپ حابارلايدى Almaty-akshamy.kz
"توتەنشە جاعداي ءمينيسترى يۋريي ءيليننىڭ وكىمىنە سايكەس بۇگىن تاڭعى ساعات 4-تە ءورت ورنىنا قاراعاندى مەن الماتى وبلىستارىنان ق ر تجم 52859 جانە 28237 اسكەري بولىمدەرىنىڭ اسكەري قىزمەتكەرلەرى جىبەرىلدى. قازىرگى ۋاقىتتا اباي وبلىسىندا 3 ۋچاسكەدە: پودنەبەسنوە، ۋسپەنكا اۋىلدارىندا، كاشتاك ورمانشىلىعىندا ءورتتى ءسوندىرۋ جۇمىستارى جالعاسىپ جاتىر"، - دەپ حابارلادى تج مينيسترلىگى.
اەروۆيزۋالدى تەكسەرىس جۇرگىزىلۋدە.
سونىمەن قاتار، ءورت ورنىنا قوسىمشا ارنايى بايلانىس قۇرالدارىمەن جاراقتاندىرىلعان جىلجىمالى باسقارۋ پۋنكتى جىبەرىلدى. باسقارۋ ورگانى ول جەردەن دە توتەنشە جاعداي ايماعىندا ءوز فۋنكسيالارىن جۇزەگە اسىرادى.
تجم ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆتىڭ ايتۋىنشا، ءقازىر جاعداي تۇراقتالىپ كەلەدى. الايدا اپتاپ ىستىق پەن جەل ءورتتى ءسوندىرۋ جۇمىستارىن قيىنداتىپ تۇر.
"تاڭەرتەڭنەن باستاپ تىكۇشاقپەن ءورتتى بارلاۋ جۇمىستارى ءجۇرىپ جاتىر. تاڭعى التىدان 8 تىكۇشاق ءورتتى سوندىرۋگە كىرىسىپ كەتتى. ودان بولەك بارلىق تەحنيكا مەن جەكە قۇرام جۇمىلدىرىلدى"، - دەدى ول.
ءتىلسىز جاۋمەن كۇرەسكە قورعانىس مينيسترلىگىنىڭ كۇشتەرى دە تارتىلعان.