ءجاسوسپىرىم فوتوسەسسيا جاساۋ كەزىندە ابايسىزدا وزەنگە قۇلاپ، سۋعا باتىپ كەتكەن.
قازىرگى تاڭدا قۇتقارۋشىلار 16 جاسار قىزدى ىزدەستىرىپ جاتىر، دەپ حابارلايدى aqshamnews.kz Astanatv.kz-كە سىلتەمە جاساپ.
وقيعا قاسقاسۋ اۋىلىنان 15 شاقىرىم جەردەگى «سايرام-وگەم» ۇلتتىق پاركىنىڭ اۋماعىندا بولدى. دوستارىنىڭ ايتۋىنشا، ءجاسوسپىرىم فوتوسەسسيا جاساۋ كەزىندە ابايسىزدا سايرام سۋ وزەنىنە قۇلاپ كەتكەن. ىزدەستىرۋ-قۇتقارۋ جۇمىستارىنا تۇركىستان وبلىسى ءتجد-نىڭ 54 قىزمەتكەرى، 1 ءجۇزۋ قۇرالى جانە 4 تەحنيكاسى جۇمىلدىرىلدى. سونداي-اق، تۇركىستان وبلىسى پوليسيا دەپارتامەنتىنىڭ 6 قىزمەتكەرى مەن 3 تەحنيكاسى جانە جەرگىلىكتى اتقارۋشى ورگانداردان 11 ادام ىزدەۋ جۇمىستارىن جۇرگىزىپ جاتىر.
«ازاماتتاردى سۋداعى قاۋىپسىزدىك ەرەجەلەرىن قاتاڭ ساقتاۋعا شاقىرامىز»، - دەدى، تۇركىستان وبلىسى توتەنشە جاعدايلار دەپارتامەنتى باستىعىنىڭ ورىنباسارى اسحات ەرجانوۆ.