سەبەبى ەلدە ءىرى قارا مەن ۇساق مال ازايعان.
ۇلتتىق ستاتيستيكا بيۋروسىنىڭ رەسمي مالىمەتىنشە، جىلدىڭ العاشقى توقسانىندا 9،1 ملن باس زەڭگى بابا تۇقىمى تىركەلگەن، دەپ حابارلايدى aqshamnews.kz 24.kz-كە سىلتەمە جاساپ.
وتكەن جىلمەن سالىستىرعاندا 140 مىڭعا كەمىگەنى بايقالادى. ال قوي-ەشكى 23،7 ملن شاماسىندا. بىلتىرعىدان 700 مىڭعا از. ءىرىلى-ۇساقتى مال باسىن شەتەلگە شىعارۋعا تىيىم سالۋ مەرزىمى تاعى 6 ايعا ۇزارتىلدى. بۇل ءسۇت-تاۋارلى فەرمالارىن اۋقىمدى سالۋ جانە اۋستراليالىق ادىسپەن مال شارۋاشىلىعىن دامىتۋدى قولداۋعا باعىتتالعان. سونىمەن قاتار كولىكتىڭ بارلىق تۇرىمەن قازاقستان اۋماعىنا بيداي اكەلۋگە تىيىم سالۋ جىل سوڭىنا دەيىن ۇزارتىلىپ وتىر. ەلدە ءقازىر ەگىن القاپتارىنىڭ جالپى كولەمى 24 ملن گەكتارعا جۋىقتايدى. سونىڭ 13،7 ملن گەكتارىنا بيداي ەگىلدى. بىلتىرمەن سالىستىرعاندا 423 مىڭ گەكتارعا قىسقارعان. ويتكەنى مەملەكەت باسشىسىنىڭ تاپسىرماسىنا سايكەس اۋىل شارۋاشىلىعى داقىلدارىن ءارتاراپتاندىرۋ جۇمىستارى جۇرگىزىلىپ جاتىر.