بۇگىن ۇكىمەتتە وتكەن باسپا ءسوز ءماسليحاتىندا سەيسمولوگيا ينستيتۋتىنا قانشا قارجى بولىنەتىنى بەلگىلى بولدى
عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا، ءقازىر شامامەن 4-5 ميلليارد تەڭگە الدىن الا كەپىلگە قويىلىپ جاتىر. مينيستر سوما عىلىمي-تەحنيكالىق كوميسسيا وتىرىسىنان كەيىن ناقتىلاناتىنىن اتاپ ءوتتى، دەپ حابارلايدى اlmaty-akshamy.kz.
"وتكەن جىلدان بەرى بىزدە جەكە باعدارلاما بولعان بولسا، بيىل ءبىز ءتيىستى قۇرال-جابدىقتار مەن كادرلىق رەسۋرستاردى نىعايتۋعا ۇلكەن قارجىلاندىرۋ پاكەتىن ءبولىپ جاتىرمىز"، - دەدى نۇربەك.
سونداي-اق، توتەنشە جاعدايلار مينيسترلىگىمەن كەلىسە وتىرىپ، بۇل ينستيتۋتتى قولداۋ ءۇشىن بولەك قارجى قاراستىرىلادى.
الماتى تۇرعىندارى 2024 جىلدىڭ 22-نەن 23-ىنە قاراعان ءتۇنى قاتتى جەراستى دۇمپۋلەرىن سەزىندى. سەيسمولوگتار الماتىدا جەر سىلكىنىسى بەس باللعا جەتكەنىن، شىمكەنتتە جەر سىلكىنىسى ەكى باللدا سەزىلگەنىن حابارلادى. جەر استى تەربەلىسىن الماتى، شىعىس قازاقستان، جامبىل، جەتىسۋ جانە قاراعاندى وبلىستارى مەن ەلوردا تۇرعىندارى دا سەزىنگەن.