2024 جىلى 17 قاڭتاردا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ «الماتى جىلۋ» حولدينگ كەشەنىنىڭ (قازىرگى «بايسات» بازارى) مۇلكىمەن جاسالعان بارلىق مامىلەلەردى جارامسىز دەپ تانۋ تۋرالى شەشىمى زاڭدى كۇشىنە ەندى. بۇل تۋرالى الماتى قالاسىنىڭ پروكۋراتۋراسى مالىمدەدى، دەپ حابارلايدى اlmaty-akshamy.kz 24.kz-كە سىلتەمە جاساپ.
سوتتا قىزمەت بەيىنىن ساقتاۋ جانە يەلىكتەن شىعارۋعا تىيىم سالۋ تۋرالى شارتتىڭ تالاپتارىن ساقتاماۋ بويىنشا مىندەتتى ساتۋ شارتىنسىز 4 جىل بۇرىنعى مۇلىكتى باعالاۋ تۋرالى وزەكتى ەمەس ەسەپتى قولدانۋدا كورسەتىلگەن كەشەندى زاڭسىز ساتۋ فاكتىلەرى راستالدى – دەلىنگەن اقپاراتتا.
جالپى اۋدانى 4 221،4 م2 3 وبەكتىدەن جانە 1،4 گا جەردەن تۇراتىن مۇلىك باۋىرجان نۇرسۇلتانعا (قايرات ساتىبالدى ۇلى) تيەسىلى "قازگەرستروي بىرلەسكەن كاسىپورنى" ج ش س جانە "Astana Finansial Group" ج ش س ءوزارا ۇلەستەس كومپانيالارىنىڭ مەنشىگىندە بولدى. بۇعان دەيىن سوتقا دەيىنگى تەرگەۋ اياسىندا قايرات ساتىبالدى "بايسات" بازارىنىڭ باسىم بولىگىن ءوز ەركىمەن قايتارىپ بەرگەن بولاتىن.