الماتىدا قۇرىلىستىڭ سەيسميكالىق تۇراقتىلىعىنا قويىلاتىن تالاپتار كۇشەيتىلەدى.
ەربولات دوسايەۆ جەتىسۋ اۋدانىنىڭ تۇرعىندارىمەن كەزدەسۋدە مەملەكەت باسشىسىنىڭ الماتىدا قۇرىلىستىڭ سەيسميكالىق تۇراقتىلىعىنا قاتىستى تالاپتاردى كۇشەيتۋدى قولدايتىنىن حابارلادى، دەپ جازادى اlmaty-akshamy.kz
- مەن بارلىق كوپقاباتتى عيماراتتاردى الماتىدان Gate City-گە كوشىرۋدى ۇسىنامىن. بۇل سەيسميكالىق قاۋىپتىلىككە جانە ينفراقۇرىلىمعا تۇسەتىن جۇكتەمەگە قاتىستى، - دەپ سۇرادى تۇرعىن.
اكىم ەربولات دوسايەۆتىڭ جاۋابى:
- وزدەرىڭىز بىلەسىزدەر، الماتىدا جوعارى سەيسميكالىقتى ەسكەرە وتىرىپ، بۇكىل پوستكەڭەستىك كەڭىستىكتە ارنايى ستاندارتتار شىعاراتىن جانە بىزدە قۇرىلىس ءۇشىن ارنايى تەحنيكالىق شارتتار بەرەتىن بىرەگەي، جالعىز ينستيتۋت - قازقسعزي بار. ءبىز ءقازىردىڭ وزىندە ەڭ سەيسميكالىق بەلسەندى ايماقتاعى قالانىڭ جوعارعى بولىگىندە عيماراتتىڭ قاباتتىلىعىن شەكتەدىك، ولار 9 قاباتتان اسپايتىن بولادى. بۇل ماسەلەلەردىڭ بارلىعى وزدەرىڭىزبەن بىرگە تالقىلاعان باس جوسپار جوباسىندا دا ەسكەرىلگەن. جوبا بەكىتىلگەن كەزدە ماسەلەنىڭ ءبارى انىقتالادى. كەشە مەملەكەت باسشىسىمەن كەزدەسكەن كەزىمدە ول ءبىزدىڭ "الماتى قالاسىنىڭ ەرەكشە مارتەبەسى تۋرالى" زاڭ ارقىلى قۇرىلىس پەن جەر سىلكىنىسىنە توزىمدىلىككە بايلانىستى تالاپتاردى كۇشەيتەتىن تاسىلدەرىمىزدى ماقۇلدادى. كوكتەمگى سەسسيادا بۇل جۇمىستى باستايمىز دەپ ۇمىتتەنەمىن، ءماسليحات دەپۋتاتتارى ءبىزدى قولدايدى جانە بىزدە قالانىڭ ءوزى ستاندارتتارعا قاتىستى ەرەكشە جايتتاردى باقىلايتىن بولادى. ءتيىستى نورمالار ەنگىزىلەدى جانە كۇزدەن باستاپ قولدانىلادى دەپ ۇمىتتەنەمىن.
G4 داميدى جانە قالا وعان كومەكتەسەدى. مەن، شىن مانىندە، اقىلعا قونىمدى قۇرىلىستى قالايمىن، الايدا قالا ءوسىپ كەلەدى، ميگراسيا بارعان سايىن ارتۋدا.