قاراشانىڭ 23-نە ارنالعان اۋا رايى بولجامى
سينوپتيكتەر 23 قاراشاعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
قازاقستاننىڭ باسىم بولىگى ءالى دە اتلانتيكالىق سيكلوننىڭ ىقپالىندا بولعاندىقتان رەسپۋبليكامىزدىڭ باسىم بولىگىندە قار جاۋادى. كۇندىز رەسپۋبليكانىڭ شىعىسىندا قاتتى جاۋىن-شاشىن بولادى. رەسپۋبليكانىڭ باسىم بولىگىندە - كوكتايعاق، كۇشتى جەل، بۇرقاسىن، كوكتايعاق، باتىسىندا - تۇمان ساقتالادى. تەك ەلدىڭ وڭتۇستىگىندە، وڭتۇستىك-شىعىسىندا جاۋىن-شاشىن جاۋمايدى.
شىعىس قازاقستان وبلىسىندا جەلدىڭ كۇشى - 15-20 م/س، وبلىستىڭ باتىسىندا، شىعىسىندا جەل جىلدامدىعى 23-28 م/س جەتەدى، باتىسىندا، سولتۇستىك جانە شىعىسىندا بۇرقاسىن، كوكتايعاق بولادى. قاراعاندى وبلىسىندا جەلدىڭ كۇشى - 15-20 م/س، وبلىستىڭ باتىسى مەن سولتۇستىگىندە جەل ەكپىنى 23-28 م/س دەيىن كۇشەيەدى. باتىسىندا، سولتۇستىگى مەن شىعىسىندا - بۇرقاسىن، كوكتايعاق، وبلىستىڭ وڭتۇستىگىندە - تۇمان تۇسەدى.
سولتۇستىك قازاقستان وبلىسىندا جەلدىڭ كۇشى - 15-20 م/س، كۇندىز وبلىستىڭ سولتۇستىگىندە، شىعىس جانە وڭتۇستىك-شىعىسىندا جەل قارقىنى 23-28 م/س جەتەدى، وبلىستىڭ سولتۇستىگىندە، شىعىس جانە وڭتۇستىك-شىعىسىندا بۇرقاسىن، كوكتايعاق كۇتىلەدى.
پاۆلودار وبلىسىندا جەلدىڭ كۇشى - 15-20 م/س. وبلىستىڭ باتىسى جانە وڭتۇستىگىندە جەل ەكپىنى 23-28 م/س جەتەدى. وبلىستىڭ باتىسى مەن وڭتۇستىگىندە – جاياۋ بۇرقاسىن، كوكتايعاق بولادى. قوستاناي وبلىسىندا جەلدىڭ كۇشى - 15-20 م/س، وبلىستىڭ وڭتۇستىگىندە ەكپىنى 23-28 م/س شاماسىندا بولادى. وبلىستىڭ شىعىسىندا جانە وڭتۇستىگىندە - بۇرقاسىن، كوكتايعاق، تۇمان كۇتىلەدى.
اقمولا وبلىسىندا بۇرقاسىن، جەلدىڭ كۇشى - 15-20 م/س. وبلىستىڭ سولتۇستىگىندە، شىعىسىندا جەل ەكپىنى 23-28 م/س دەيىن كۇشەيەدى. اقتوبە وبلىسىنىڭ سولتۇستىگىندە بۇرقاسىن، كوكتايعاق، تۇندە وبلىستىڭ شىعىسىندا جەلدىڭ قارقىنى 15-20 م/س جەتەدى.
جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان، وبلىستىڭ وڭتۇستىك-باتىستا جانە تاۋلى اۋدانداردا جەلدىڭ جىلدامدىعى - 15-20 م/س. تۇندە قىزىلوردا وبلىسىنىڭ سولتۇستىگىندە جەل قارقىنى 15-20 م/س دەيىن كۇشەيەدى.
اتىراۋ وبلىسىنىڭ باتىسىندا، ورتالىعىندا، ماڭعىستاۋ وبلىسىنىڭ سولتۇستىگىندە تۇمان تۇسەدى. باتىس قازاقستان وبلىسىنىڭ سولتۇستىگىندە، باتىسىندا تۇمان، كوكتايعاق بولادى. الماتى وبلىسىنىڭ الاكول اۋدانىندا جەل ەكپىنى 15-20 م/س جەتەدى.