كەكۋشينكاي كاراتەدەن الەم چەمپيوناتى پولشانىڭ كراكوۆ قالاسىندا ءوتتى
الەمدىك دوداعا 32 ەل قاتىستى. ەءلىمىزدىڭ قۇراماسى سەگىز مەدال جەڭىپ الدى، ولاردىڭ التاۋىن كومانداعا ماڭعىستاۋلىق سپورتشىلار سالدى، دەپ حابارلايدى Almaty-akshamy.kz
قازاقستان قۇراماسىنان نۇر-سۇلتان، تاراز قالالارى مەن اتىراۋ جانە ماڭعىستاۋ وبلىستارىنان 27 سپورتشى قاتىستى. جالپى الەم چەمپيوناتىنا 32 ەلدىڭ 684 سپورتشىسى ب ا ق سىنادى.
«چەمپيونات جوعارى تەحنيكالىق دەڭگەيدە ءوتتى. جەكپە-جەك وتە قيىن بولدى، كوپتەگەن ەلدەر تاراپىنان ۇلكەن قارسىلىق بولدى. مىقتى كوماندالار ەۋروپانىڭ بىرنەشە ەلىنەن، يراننان، ۋكراينادان جانە رەسەيدەن كەلدى»، دەپ جازادى ماڭعىستاۋ وبلىسىنىڭ كاراتە-دو كەكۋشينكاي فەدەراسياسى.
الەم چەمپيوناتىنىڭ قورىتىندىسى بويىنشا قازاقستان قۇراماسى سەگىز مەدالعا يە بولدى، ونىڭ ىشىندە ءۇش ءبىرىنشى ورىن، ەكى ەكىنشى جانە ءۇش ءۇشىنشى ورىن.
ءبىرىنشى ورىندارعا يە بولعاندار:
75 كگ جوعارى سالماق ساناتىندا جانە 14-15 جاس ساناتىندا ونەر كورسەتكەن اقتاۋ قالاسىنان ايان ماراتوۆ؛
60 كگ سالماق ساناتىندا جانە 16-17 جاس ساناتىندا ونەر كورسەتكەن جاڭاوزەن قالاسىنان امانقان قىدىرجان؛
75 كگ سالماق ساناتىندا جانە 18-21 جاس ساناتىندا ب ا ق سىناعان نۇر-سۇلتان قالاسىنان انتون زيموريەۆ؛
65 كگ جوعارى سالماق ساناتىندا جانە 16-17 جاس ارالىعىندا ونەر كورسەتكەن اقتاۋدان كەلگەن ارۋجان ايشييەۆا؛
65 كگ سالماق ساناتىندا جانە 14-15 جاس ارالىعىندا ونەر كورسەتكەن اقتاۋدان سۇلتان ساۋمبايەۆ قازاقستانعا ەكىنشى ورىن اكەلدى.
چەمپيوناتتا ءۇشىنشى ورىندى ماڭعىستاۋلىق ەكى سپورتشى الدى:
60 كگ سالماق ساناتىندا جانە 14-15 جاس توبىندا ونەر كورسەتكەن گۇلناز ءىزتاناتوۆا؛
75 كگ دەيىنگى سالماق ساناتىندا جانە «ەرلەر» جاس توبىندا ونەر كورسەتكەن بەرەكەت نۇربايەۆ.