ق ر ۇلتتىق كىتاپحاناسىندا «ساحارا ساندۋعاشى» كىتابىنىڭ تانىستىرىلىمى ءوتتى، دەپ حابارلايدى aqshamnews.kz.
باسىلىم قازاق راديوسىنىڭ بەلگىلى ديكتورى، قازاقستان مادەنيەتىنىڭ دامۋىنا ەلەۋلى ۇلەس قوسقان كورنەكتى تۇلعا ساۋىق جاقانوۆانىڭ 80 جىلدىق مەرەيتويىنا وراي جارىق كوردى.
ساۋىق جاقانوۆا ءوزىنىڭ كوپ جىلدىق ەل مادەنيەتىنە سىڭىرگەن ەڭبەگى ءۇشىن «قۇرمەت» وردەنىمەن ماراپاتتالدى.
مادەنيەت جانە اقپارات مينيسترلىگىنىڭ مالىمەتىنشە، ءى-شاراعا مەملەكەت جانە قوعام قايراتكەرلەرى، شىعارماشىلىق زيالى قاۋىم وكىلدەرى، راديو جانە تەليەۆيزيا قىزمەتكەرلەرى، جۋرناليستەر، ساۋىق جاقانوۆانىڭ تۋىستارى مەن جاقىندارى قاتىستى.
جيىندا قازاقستاننىڭ مادەنيەت جانە اقپارات ءمينيسترى ايدا بالايەۆانىڭ قۇتتىقتاۋ حاتى وقىلدى.
ءسىزدىڭ ەلىمىز ءۇشىن سىڭىرگەن ەڭبەگىڭىز قازاق حالقىنىڭ تاريحىندا التىن ارىپتەرمەن جازىلدى. راديو، ءبىلىم سالاسىنا قوسقان ۇلەسىڭىز وراسان زور. قازاق راديوسىنىڭ ساندۋعاشى اتانىپ، جارتى عاسىرعا جۋىق ەفيردە ۇزدىكسىز قىزمەت ەتىپ، تىڭدارمانداردىڭ جۇرەگىنە جول تاپتىڭىز.
ديكتورلىق شەبەرلىگىڭىز، ەفيردەگى ەرەكشە ۇنىڭىزبەن قاتار، ونگەلى ءومىر جولىڭىز ۇرپاققا ۇلگى. جۇرتشىلىق ءسىزدى ءوز ءىسىنىڭ مايتالمانى عانا ەمەس، كوپتەگەن شاكىرت تاربيەلەگەن ۇلاعاتتى ۇستاز رەتىندە دە ەرەكشە قۇرمەت تۇتادى، – دەلىنگەن حاتتا.
«ساحارا ساندۋعاشى» كىتابىندا ساۋىق جاقانوۆانىڭ ءومىر جولى، راديو مەن تەلەديۆيزياداعى شىعارماشىلىعى، سونداي-اق وقىتۋشىلىق قىزمەتى تۋرالى باياندالادى.