الەۋمەتتىك جەلىدە ساۋنادا ەر ادامنىڭ ايەلگە قول جۇمساعان ۆيدەوسى تارادى. 2022 جىلدىڭ 4 اقپانىندا قوسشىداعى ساۋنالاردىڭ بىرىندە بولعان، دەپ حابارلايدى Almaty-akshamy.kz Baq.kz-كە سىلتەمە جاساپ.
اقمولا وبلىستىق پوليسيا دەپارتامەنتى حابارلاعانداي، 2022 جىلعى 2 ساۋىردە اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 293-بابىنىڭ 1-بولىگى (بۇزاقىلىق) بويىنشا سوتقا دەيىنگى تەرگەۋ باستالدى.
بەينەجازباعا تۇسىرىلگەن ادامدار 02.04.2022 جىلى ساۋنادا بولىپ، الكوگولدىك ىشىمدىك ىشكەن.
«ساعات 07:30 شاماسىندا مەكەمەنىڭ باسقارۋشى ديرەكتورى، 31 جاستاعى قوسشى قالاسىنىڭ تۇرعىنى شوتتىڭ تولەنبەۋ سەبەبىن ءبىلۋ ءۇشىن كەلۋشىلەرگە تۇسەدى، ولاردىڭ ءبىرى ايەلدى ۇرا باستاعان. جەدەل ىزدەستىرۋ شارالارى بارىسىندا 44 جاستاعى قوسشى قالاسىنىڭ تۇرعىنى مەن نۇر-سۇلتان قالاسىنىڭ 36 جانە 37 جاستاعى ەكى تۇرعىنى انىقتالدى»، - دەلىنگەن حابارلامادا.
قوسشى قالاسىنىڭ 44 جاستاعى تۇرعىنى مەن نۇر-سۇلتان قالاسىنىڭ 36 جاستاعى تۇرعىنىنىڭ قانىندا الكوگولدىڭ بار-جوعىن تەكسەرۋ كەزىندە جەڭىل جانە ورتاشا دارەجەدەگى ماس كۇيى انىقتالدى.
ولار نۇر-سۇلتانداعى دارىگەرلىك امبۋلاتورياعا ورنالاستىرىلدى.
ساۋنا مەڭگەرۋشىسىنە دەنە جاراقاتىن سالعان كۇدىكتى 37 جاستاعى ازامات قىلمىستىق ءىس جۇرگىزۋ كودەكسىنىڭ 128-بابىنا سايكەس ۇستالىپ، سەلينوگراد اۋدانىنىڭ ۋاقىتشا ۇستاۋ يزولياتورىنا قامالدى.