پرەمەر-مينيستر ءاليحان سمايىلوۆ «التىن وردا» ءىرى ساۋدا ورنىنىڭ جۇمىسى جونىندە كەڭەس وتكىزدى، دەپ حابارلايدى Almaty-akshamy.kz
ساۋدا ورنىنداعى ءتۇرلى تەكسەرۋلەر سانيتارلىق، ەڭبەك، ورتكە قارسى جانە سالىقتىق باقىلاۋعا قاتىستى 300-دەن استام زاڭ بۇزۋشىلىقتى انىقتادى.
كەڭەس قورىتىندىسى بويىنشا پرەمەر-مينيستر ساۋدا ورنىنىڭ قىزمەتىنە باقىلاۋ ۇيىمداستىرۋدى تاپسىردى. پروكۋراتۋرا، پوليسيا، باسەكەلەستىكتى قورعاۋ جانە قارجىلىق مونيتورينگ اگەنتتىكتەرى، باسقا دا ۋاكىلەتتى مەملەكەتتىك ورگاندار قىزمەتكەرلەرىنەن قۇرالعان موبيلدىك توپ بارلىق زاڭ بۇزۋشىلىقتار تولىعىمەن جويىلعانعا دەيىن جۇمىس ىستەيتىن بولادى.
سونىمەن قاتار الماتى اگلومەراسياسىندا بالامالى كوتەرمە-تاراتۋ ورتالىقتارىن قۇرۋ پروسەسى جالعاسادى.
بۇل «التىن وردا» ساۋدا ورنىنىڭ وڭىرلىك دەڭگەيدە ءارى بۇكىل ەل اۋماعى بويىنشا باعا ساياساتىنا ىقپالىن ازايتىپ، ءتيىمسىز دەلدالداردى جويۋعا جانە ساۋدانى وڭتايلاندىرۋعا مۇمكىندىك بەرەدى.