ءولىم جازاسىنا كەسىلگەندەر اراسىندا تەرروريزم بويىنشا ايىپتالعان يەمەننىڭ جەتى ازاماتى مەن ءبىر سيريالىق بار
ساۋد ارابياسىنىڭ بيلىگى اۋىر قىلمىس جاساعان 81 ادامعا قاتىستى ءولىم جازاسىن ورىندادى، دەپ حابارلايدى Almaty-akshamy.kz Baq.kz-كە سىلتەمە جاساپ.
تاسس اگەنتتىگىنىڭ مالىمەتىنشە، 81 ادامنىڭ ءارقايسىسى اۋىر قىلمىس جاسادى دەپ جازالانعان، ونىڭ ىشىندە كۇناسىز ەر ادامدار مەن ايەلدەر جانە بالالاردى ءولتىردى، زورلىق-زومبىلىق، ايەل زورلاۋ، قارۋ كونترابانداسى، دايش سياقتى شەتەلدىك لاڭكەستىك ۇيىمدارعا كومەكتەسكەن دەگەن ايىپ تاعىلدى.
بەلگىلى بولعانداي كۇدىكتىلەردىڭ بارلىعىنا سوت پروسەسى كەزىندە ادۆوكات تاعايىندالىپ، ساۋد ارابياسىنىڭ زاڭىنا سايكەس ادام قۇقىعى قورعالعان. ءىستى 13 سۋديا 3 كەزەڭ بويىنشا قاراپ شىققان.
ءولىم جازاسىنا كەسىلگەندەر اراسىندا تەرروريزم بويىنشا ايىپتالعان يەمەننىڭ جەتى ازاماتى مەن ءبىر سيريالىق بار. ءىىم-نىڭ مالىمەتىنشە، ۇستالعانداردىڭ كوبى لاڭكەستىك توپتاردىڭ قۇرامىندا بولىپ، سوعىس ءجۇرىپ جاتقان جەرلەردە قىلمىس جاساۋعا قاتىسقان.
2021 جىلى ساۋد ارابياسىندا 67 ادام ءولىم جازاسىنا كەسىلگەن، 2020 جىلى – 27، 2019 جىلى -185.