سارسەنبىگە ارنالعان اۋا رايى بولجامى

كەي وڭىرلەردە نايزاعاي ويناپ، داۋىل سوعادى.

سينوپتيكتەر 27 cاۋىرگە ارنالعان اۋا رايى بولجامىن جاريالايدى، دەپ حابارلايدى Almaty-akshamy.kz.

رەسپۋبليكا اۋماعىنىڭ باسىم بولىگىندە اشىق، جاۋىن-شاشىنسىز اۋا رايى كۇتىلەدى. تەك ەلىمىزدىڭ سولتۇستىگىندە، وڭتۇستىگىندە، وڭتۇستىك-شىعىسىندا جانە جامبىل وبلىسىنىڭ تاۋلى اۋداندارىندا جاڭبىر جاۋادى.

ق ر بويىنشا جەل كۇشەيىپ، قازاقستاننىڭ وڭتۇستىك-باتىسىندا شاڭدى داۋىل تۇرادى، وڭتۇستىك وڭىرلەردە نايزاعاي ويناپ، داۋىل سوعادى.

تۇركىستان وبلىسىنىڭ تاۋلى، تاۋ بوكتەرلى اۋداندارىندا نايزاعاي جارقىلداپ، داۋىل تۇرادى، جەل سوعىپ، جىلدامدىعى 15-20 م/س دەيىن جەتۋى مۇمكىن.

جامبىل وبلىسىنىڭ وڭتۇستىگىندە، سولتۇستىك-شىعىسىندا، تاۋلى اۋداندارىندا نايزاعاي ويناپ، بۇرشاق جاۋادى، تاۋلى اۋدانداردا جەلدىڭ ەكپىنى 15-20 م/س دەيىن كۇشەيەدى.

كۇندىز قىزىلوردا وبلىسىنىڭ ورتالىعىندا، ماڭعىستاۋ وبلىسىنىڭ وڭتۇستىگىندە، ورتالىعىندا جەل 15-20 م/س دەيىن كۇشەيىپ، شاڭدى داۋىل سوعادى.

كۇندىز سولتۇستىك قازاقستان وبلىسىنىڭ باسىم بولىگىندە، قوستاناي وبلىسىنىڭ سولتۇستىگىندە، باتىس قازاقستان وبلىسىنىڭ وڭتۇستىك-باتىسىندا، اتىراۋ وبلىسىنىڭ باتىسىندا، ورتالىعىندا، الماتى وبلىسىنىڭ شىعىسىندا جەلدىڭ جىلدامدىعى 15-22 م/س جەتەدى.

باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.