قارۋلى كۇشتەردىڭ تۇرلەرىندە، اسكەر تەكتەرىندە جانە وڭىرلىك قولباسشىلىقتارىندا كونستيتۋسيا كۇنىنە ورايلاستىرىلعان ءىس-شارالار وتۋدە.
اۋە قورعانىسى كۇشتەرىنىڭ باس باسقارماسىندا 44813 اسكەري ءبولىمىنىڭ ساربازدارى پانكراتيوننان الەم چەمپيونى جانە دجيۋ دجيتسۋدان سپورت شەبەرى ۆاسيليي تاحتايمەن كەزدەستى.
دوستىق اڭگىمە بارىسىندا تانىمال سپورتشى اسكەري قىزمەتشىلەرگە جاقسى فيتنەس، جوعارى جاۋىنگەرلىك رۋحتىڭ قۇپيالارىمەن ءبولىستى جانە ءوزىنىڭ ماشىقتانۋى مەن جالپى دەنە شىنىقتىرۋدى جاقسارتۋ جونىندە تاجىريبەلىك كەڭەستەر بەردى.
– ەگەر مەن سارباز بولسام، وندا ەڭ مىقتى سارباز بولار ەدىم. كەز كەلگەن ىستە، اسىرەسە اسكەري ىستە دە ءارقاشان العا ۇمتىلۋ، ۇلكەن ماقساتتار قويۋ جانە وعان قول جەتكىزۋ قاجەت، – دەدى ۆ.تاحتاي.
اۋە قورعانىسى كۇشتەرى باس قولباسشىسىنىڭ تاربيە جانە يدەولوگيالىق جۇمىس جونىندەگى ورىنباسارى پولكوۆنيك تالعات سىزدىقوۆ كەلگەن قوناققا العىس ايتىپ، بۇل كەزدەسۋدىڭ ساربازداردى ىنتالاندىرۋ جانە ولاردىڭ الەۋەتىن ارتتىرۋدا ماڭىزدى ەكەنىن اتاپ ءوتتى.
الماتى وبلىسىندا كونستيتۋسيا كۇنىنە وراي اسكەري قىزمەتشىلەرگە سپورتتىق شارا ۇيىمداستىرىلدى.
گارنيزوننىڭ ءار اسكەري بولىمشەسىنەن 5 ادامنان 16 كوماندا اتىنان 80 اسكەري قىزمەتشى 15 شاقىرىمعا جۇگىردى.
ءىس-شاراعا قاتىسۋشىلارعا ارناپ قونايەۆ گارنيزونى اسكەري پوليسيا ءبولىمىنىڭ باستىعى پودپولكوۆنيك داۋرەن تۇرالين ءسوز سويلەدى.
– سپورت – ءاربىر اسكەري قىزمەتشى ءومىرىنىڭ اجىراماس بولىگى، ول دەنە كۇشىن قالىپتاستىرادى، اقىل-وي جانە مورالدىق قاسيەتتەردى دامىتادى، ەرىك-جىگەردى نىعايتىپ، جاۋىنگەرلىك مىنەزدى شىڭدايدى، – دەدى ول.
جارىس قورىتىندىسى بويىنشا ءبىرىنشى ورىندى 20030 اسكەري ءبولىمىنىڭ كومانداسى، ەكىنشى ورىندى 58012 اسكەري ءبولىمىنىڭ اسكەري قىزمەتشىلەرى، ءۇشىنشى ورىندى 62064 اسكەري ءبولىمىنىڭ قۇراماسى الدى. بارلىق جەڭىمپازدار مەن جۇلدەگەرلەرگە اقشالاي سىيلىقتار، مەدالدار، گراموتالار مەن كۋبوكتار تابىس ەتىلدى.