«قازاقستان جاستارى» ۇلتتىق بايانداماسىجىل سايىن شىعادى
«جاستار» عزو الاڭىندا «قازاقستان جاستارى – 2022» ۇلتتىق بايانداماسىنىڭ مازمۇندىق بولىگىن الدىن الا ساراپتامالىق تالقىلاۋ وتكىزىلدى، دەپ حابارلايدى Almaty-akshamy.kz اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
نەگىزگى بايانداماشىلار – ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ، ق ر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتى الەۋمەتتانۋلىق زەرتتەۋلەر ءبولىمىنىڭ مەڭگەرۋشىسى جاننا كارىموۆا، قازاقستانداعى يۋنفپا گەندەرلىك جانە پوپۋلياسيا جونىندەگى ماسەلەلەرىن باعدارلامالىق تالداۋشى عازيزا مولداقۇلوۆا، «التايتانۋ» عزو ديرەكتورى الەكساندر الەكسەەنكو..
جيىن بارىسىندا ەلنۇر بەيسەنبايەۆ بۇگىنگى تاڭداعى ماڭىزدى ساياسي وزگەرىستەر كەزەڭىندە جاستاردىڭ ناقتى جاعدايىن كورسەتەتىن اقپارات ۇسىنىلۋى كەرەكتىگىن اتاپ ءوتتى.
جاننا كارىموۆا جاستار ساياساتىن ءتيىمدى جۇزەگە اسىرۋ ماقساتىندا ۇلتتىق باياندامانىڭ قورىتىندىسى بويىنشا پراكتيكالىق ءىس-شارالار جوسپارىن ازىرلەۋ تاجىريبەسىن قايتا باستاۋدى ۇسىندى. سونداي-اق ول ۇلتتىق باياندامانى، ونىڭ ىشىندە قوعامدىق الەۋمەتتانۋ قۇرالدارىن، ءتيىمدى كەرى بايلانىس قۇرالدارىن پايدالانۋدى كەڭىنەن ناسيحاتتاۋعا نازار اۋدارۋ كەرەكتىگىن اتاپ ءوتتى.
تالقىلاۋ ناتيجەسىندە ساراپشىلار ۇلتتىق بايانداما جاستاردىڭ شىنايى سۇرانىسىن كورسەتەتىن قۇجاتقا اينالۋى كەرەك دەگەن ورتاق پىكىرگە كەلدى.
ولار باياندامانىڭ ماڭىزدىلىعى وسكەلەڭ ۇرپاقتىڭ ءبىرىنشى كەزەكتەگى قاجەتتىلىكتەرىن، سونداي-اق جاستار ساياساتىن تالقىلاۋ كەزىندە ەسكەرىلۋى قاجەت نەگىزگى تەندەنسيالاردى، قىزىعۋشىلىقتار مەن تالاپتاردى انىقتاۋدا ەكەنىن اتاپ ءوتتى.
ايتا كەتەيىك، 2013 جىلدان بەرى «جاستار» عزو جىل سايىن «قازاقستان جاستارى» ۇلتتىق بايانداماسىن شىعارىپ كەلەدى. باياندامادا قازاقستاندىق جاستاردىڭ ءومىرىنىڭ نەگىزگى سالالارىنداعى جاعدايىنا جان-جاقتى تالداۋ جاسالعان.