سولتۇستىك ەۋروپانىڭ ءبىراز بولىگىندە اياز كۇشەيدى.
سونىڭ سالدارىنان شۆەسيانىڭ كەي اۋداندارىندا مىڭداعان ادام ەلەكتر قۋاتىنان اجىراپ، قيىندىققا تاپ بولعان. ال تاسجولداردا كولىكتەرى وتالماي ابىگەرگە تۇسكەن جۇرگىزۋشىلەر كوبەيگەن، دەپ حابارلايدى Almaty-akshamy.kz 24.kz-كە سىلتەمە جاساپ.
مالىمەتكە قاراعاندا ءقازىر شۆەسيانىڭ سولتۇستىگىندەگى سىناپ باعاناسى 38 گرادۋسقا دەيىن تومەندەگەن. مەتەورولوگتار بولسا الداعى كۇندەرى بۇدان دا قاتتى اياز بولاتىنىن ەسكەرتىپ وتىر.
«تاڭعى ساعات 4ء-تىڭ كەزىندە، ۇيدە جىلۋ جوق ەكەنىن بايقادىم. تەرمومەتر مينۋس قىرىق گرادۋسقا دەيىن جەتكەن»، - دەيدى تۇرعىن يوحان سۋندكۆيست.
نورۆەگيا استاناسى وسلودا دا بۇرىن-سوڭدى بولماعان اياز باستالدى. بۇل ەلدە سىناپ باعاناسى مينۋس 37 گرادۋسقا جەتتى. سينوپتيكتەر مۇنى رەكوردتىق كورسەتكىش دەيدى. كۇننىڭ كۇرت سۋىتۋىنا بايلانىستى، بارلىق تاۋ شاڭعى كۋرورتتارى جابىلعان.