"ساقتاندىرۋ تولەمدەرىنە كەپىلدىك بەرۋ قورىنىڭ" رەسمي سايتىندا ساقتاندىرۋ ونىمدەرىنە ارنالعان ونلاين-انىقتامالىق ىسكە قوسىلدى، دەپ حابارلايدى aqshamnews.kz
بۇل قۇرال ازاماتتارعا جانە كاسىپكەرلەرگە ءوز قاجەتتىلىكتەرىنە ساي ساقتاندىرۋ شەشىمىن قابىلداۋعا مۇمكىندىك بەرىپ، نارىقتى زەرتتەۋگە كەتەتىن ۋاقىت پەن رەسۋرستى ەداۋىر قىسقارتۋعا باعىتتالعان ونلاين-پلاتفورما.
ونلاين-انىقتامالىق - بۇل قازاقستاندا ۇسىنىلاتىن ساقتاندىرۋ سىنىپتارى مەن ونىمدەرى بويىنشا قۇرىلىمدالعان اقپارات كوزىن بىرىكتىرەتىن ونلاين-پلاتفورما. وندا ءاربىر ساقتاندىرۋ ءتۇرى قىسقاشا سيپاتتامامەن بەرىلىپ، تىكەلەي ساقتاندىرۋ كومپانيالارىنىڭ سايتتارىنا وتۋگە مۇمكىندىك قاراستىرىلعان.
قوردىڭ حابارلاۋىنشا، جوبا تۇتىنۋشىلاردىڭ قارجىلىق ساۋاتتىلىعىن ارتتىرۋعا جانە ساقتاندىرۋ سالاسىنداعى قىزمەتتەردىڭ اشىقتىعىن قامتاماسىز ەتۋگە باعىتتالعان.
"ءبىز پايدالانۋشى ءۇشىن بارىنشا تۇسىنىكتى جانە سەنىمدى اقپاراتتىق ورتا قالىپتاستىرۋدى كوزدەيمىز. انىقتامالىق - بۇل تاڭداۋ ەركىندىگى مەن دەلدالسىز ءوزارا ءىس-قيمىلعا مۇمكىندىك بەرەتىن قۇرال"، - دەلىنگەن قوردىڭ رەسمي مالىمدەمەسىندە.
انىقتامالىق تەك جەكە تۇلعالارعا عانا ەمەس، سونىمەن قاتار شاعىن جانە ورتا بيزنەس وكىلدەرىنىڭ مۇددەسى جايلى ەسكەردى. قارجىلىق تاۋەكەلدەرگە بەيىم كاسىپكەرلىك سۋبەكتىلەرى ەندى نارىقتاعى ساقتاندىرۋ ونىمدەرىن ساراپتاپ، ءتيىمدى شەشىمدى تەز قابىلداۋعا مۇمكىندىك الادى. بۇل اسىرەسە ۋاقىت پەن رەسۋرستى وڭتايلى پايدالانۋدى كوزدەيتىن كاسىپ يەلەرى ءۇشىن وزەكتى.
انىقتامالىقتىڭ باستى ارتىقشىلىقتارى:
• ءبىر تەرەزە قاعيداتى بويىنشا شوعىرلانعان اقپارات؛
• ناقتى جانە جاڭارتىلاتىن دەرەككوزدەر؛
• ۋاقىت ۇنەمدەۋ جانە وپەراسيالىق تيىمدىلىك؛
• ساقتاندىرۋ كەلىسىمدەرىن تىكەلەي راسىمدەۋگە مۇمكىندىك.
پايدالانۋشىلار انىقتامالىقتى كوردىڭ رەسمي سايتىنان تابا الادى:
جاڭا سيفرلىق باستاما - قارجىلىق مادەنيەتتى قالىپتاستىرۋ جولىندا
ساقتاندىرۋ سالاسىنداعى بۇل باستاما - تۇتىنۋشىلاردىڭ سەنىمىن ارتتىرۋعا جانە قارجىلىق سەكتورداعى اقپاراتتىق الشاقتىقتى قىسقارتۋعا باعىتتالعان جۇيەلى قادام. جوبا دامۋدىڭ كەلەسى كەزەڭىندە جاڭا فۋنكسيالارمەن جانە قوسىمشا دەرەككوزدەرمەن تولىقتىرىلادى.
انىقتامالىق - بۇل ساقتاندىرۋ قىزمەتتەرىنە قولجەتىمدىلىكتى ارتتىراتىن، قارجىلىق شەشىم قابىلداۋدى جەڭىلدەتەتىن ءتيىمدى ناۆيگاتور.