«ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى قالالىق فيليالى جۇرگىزۋشى كۋالىگىن قالپىنا كەلتىرۋ ءۇشىن مامانداندىرىلعان حالىققا قىزمەت كورسەتۋ ورتالىعىنا (ارنايى حقكو) حابارلاسۋ كەرەك ەكەنىن، وندا ءوتىنىش بەرۋشى بەلگىلەنگەن نىسان بويىنشا ءوتىنىش تولتىرۋى قاجەت ەكەنىن اتاپ ءوتتى، دەپ حابارلايدى aqshamnews.kz
جەكە كۋالىك پەن 1،25 اەك (2025 جىلعا 4921 تەڭگە) مەملەكەتتىك باجدى تولەگەنى تۋرالى تۇبىرتەكتى الا باراسىز.
جۇرگىزۋشى كۋالىگىنىڭ تەلنۇسقاسى 90 مينۋت ىشىندە جاسالىپ، ەسكى كۋالىك اۆتوماتتى تۇردە جارامسىز دەپ تانىلاتىنى كورسەتىلگەن.
073/ۋ نىسانىنداعى مەديسينالىق انىقتاما ليسەنزيانىڭ قولدانىلۋ مەرزىمى ءوتىپ كەتكەن جاعدايدا عانا ۇسىنىلادى. بۇل جاعدايدا مەديسينالىق تەكسەرۋ ناتيجەلەرى اۆتوماتتى تۇردە اقپاراتتىق جۇيەگە ەنگىزىلەتىندىكتەن، ونى قاعاز تۇرىندە اكەلۋدىڭ قاجەتى جوق. سونداي-اق جۇيكە-پسيحياتريالىق جانە ناركومانيا ديسپانسەرلەرىنىڭ انىقتامالارىن ۇسىنۋ قاجەت ەمەس.
فيليال جۇرگىزۋشى كۋالىگىن جوعالتقان، جارامدىلىق مەرزىمى وتكەن، جەكە دەرەكتەرىن وزگەرتكەن، قۇجاتى بۇلىنگەن نەمەسە جاڭا جۇرگىزۋشى ساناتى قوسىلعان جاعدايدا جاڭا جۇرگىزۋشى كۋالىگىن الۋعا ءوتىنىش بەرۋگە بولاتىنىن ەسكە سالدى.
بۇل رەتتە ماماندار اۋىستىرۋدى سوڭعى كۇنگە قالدىرماي، ءوتىنىشتى جارامدىلىق مەرزىمىنەن 1-2 اي بۇرىن تاپسىرۋدى ۇسىنادى.