«AMANAT» پارتياسى فراكسياسىنىڭ جەتەكشىسى ەلنۇر بەيسەنبايەۆ پرەمەر-مينيستر ولجاس بەكتەنوۆقا جانە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى مادينا ءابىلقاسىموۆاعا دەپۋتاتتىق ساۋال جولدادى.
ساۋالدا اۆتوكولىك ساقتاندىرۋ نارىعىنداعى پروبلەمالىق ماسەلەلەر كوتەرىلدى، دەپ حابارلايدى aqshamnews.kz.
ادامنىڭ جول-كولىك اپاتىندا قازا تابۋى جاعدايىندا مۇراگەرلەرگە ساقتاندىرۋ سوماسى تولەنبەيدى. تەك مارقۇمنىڭ اسىراۋىندا ادام بولعان جاعدايدا عانا. ال بانك زاڭناماسىنا سايكەس، نەسيە بورىشتارى مۇراگەرلەردەن الىنۋى مۇمكىن، اسىراۋىنداعى ادامداردىڭ بار-جوعىنا قاراماستان.
بالانىڭ جول-كولىك اپاتىندا قازا بولۋى دا ساقتاندىرۋ زاڭناماسىندا قۇقىقتىق سالدارعا يە ەمەس. ال جول-كولىك اپاتىندا قازا تاپقان ءۇي جانۋارلارىنا ساقتاندىرۋ تولەمدەرى قاراستىرىلعان. ياعني، جانۋارلارعا تولەمدەر بار، ال ادامدارعا جوق. بۇل ادىلەتتىلىك جانە اقىل-وي قاعيداتىنا قايشى كەلەدى.
سوڭعى جىلدارى مىندەتتى ساقتاندىرۋ بويىنشا ماكسيمالدى تولەم سوماسى شامامەن 2،5 ميلليون تەڭگە بولدى. بۇل سوما قازىرگى جاعدايدا كولىكتەردى جوندەۋ جانە قالپىنا كەلتىرۋدىڭ ناقتى باعالارىمەن سايكەس كەلمەيدى. مىسالى، قىمبات اۆتوكولىكتىڭ ءبىر فاراسىنىڭ قۇنى بىرنەشە ميلليون تەڭگە، ال جوندەۋ باعاسى بىرنەشە ەسە جوعارى. بۇل جاعدايدا جول-كولىك اپاتىنا سەبەپكەر بولعان ادام قىمبات جوندەۋدى تولەي المايدى، بۇل ونىڭ قارجىلىق جاعدايىن ناشارلاتىپ، بۇكىل وتباسىنىڭ جاعدايىنا دا اسەر ەتەدى، - دەدى دەپۋتات.
ەلنۇر بەيسەنبايەۆتىڭ ايتۋىنشا، ساقتاندىرۋ كومپانيالارى وزدەرىنە ىڭعايلى جاعدايلاردى لوببيلاپ، ءبىراق قارجىلىق قورعاۋ فۋنكسياسىن ورىندامايدى جانە الەۋمەتتىك جاۋاپكەرشىلىك ءپرينسيپىن بۇزادى.