رەسپۋبليكا كۇنىنە وراي الماتى حالىقارالىق اۋەجايىندا تۋريستەرگە قازاقستاندىق شوكولاد ۇسىنىلادى، دەپ حابارلايدى aqshamnews.kz
2024 جىلدىڭ 25 قازانىندا رەسپۋبليكا كۇنىنە وراي الماتى قالاسىنىڭ تۋريزم باسقارماسى، الماتى حالىقارالىق اۋەجايى جانە ق ر ۇقك شەكارا باقىلاۋ باسقارماسى بىرلەسىپ «قوناقتارعا ءتاتتى سىي» اكسياسىن ۇيىمداستىرادى. بۇل شارا بارىسىندا پاسپورتتىق باقىلاۋدان وتەتىن قالا قوناقتارىنا قازاقستاندىق شوكولاد ۇسىنىلادى.
مەرەكەلىك اكسيا 45-تەن استام رەيس پەن 5 مىڭعا جۋىق جولاۋشىنى قامتيدى. سونىمەن قاتار، اۋەجاي اۋماعىندا ۇلتتىق مەرەكە تۋرالى اقپاراتتىق باننەرلەر ورناتىلىپ، الماتىعا كەلگەن قوناقتار باتىرلارمەن جانە ۇلتتىق كيىمدەگى ارۋلارمەن سۋرەتكە تۇسە الادى.
بۇل اكسيا الماتىنىڭ ەلدەگى ەڭ ءىرى تۋريستىك ورتالىقتاردىڭ ءبىرى رەتىندەگى بەدەلىن نىعايتۋعا باعىتتالعان ماڭىزدى قادام. ءىس-شارانىڭ ماقساتى – تۋريستەرگە جىلى شىراي تانىتىپ، جاعىمدى اسەر قالدىرۋ، سونداي-اق حالىقارالىق قوناقتارعا قازاقستاننىڭ تاريحى مەن رۋحاني قۇندىلىقتارىنا دەگەن قۇرمەتتى كورسەتۋ.